കോഹ്ലി അല്ല സൂര്യകുമാർ ആണ് ഇന്ത്യയുടെ മൂന്നാം നമ്പറായി ലോകകപ്പിൽ ഇറങ്ങേണ്ടത് എന്ന് ലാറ

ലോകകപ്പിൽ ഇന്ത്യ സൂര്യകുമാറിനെ വൺ ഡൗൺ ആക്കി ഇറക്കണം എന്ന് മുൻ വെസ്റ്റ് ഇൻഡീസ് ക്യാപ്റ്റൻ ബ്രയാൻ ലാറ. സൂര്യകുമാറിന് ആദ്യ മൂന്ന് സ്ഥാനങ്ങളിൽ ഇടം നൽകിയില്ലെങ്കിൽ ഇന്ത്യ ഒരു ടാലന്റ് പാഴാക്കുക ആണെന്ന് ലാറ പറഞ്ഞു.

“എൻ്റെ ഒരു ഉപദേശം, നിങ്ങൾക്കിത് ഇഷ്ടപ്പെടുമോ ഇല്ലയോ എന്ന് എനിക്കറിയില്ല, പക്ഷേ സ്കൈ മൂന്നാം നമൊഅറിൽ ബാറ്റ് ചെയ്യണം. അവന് മൂന്നാം നമ്പറിൽ ബാറ്റ് ചെയ്താൽ മതി. ഏറ്റവും മികച്ച ടി20 കളിക്കാരിൽ ഒരാളാണ് അദ്ദേഹം.”ലാറ പറഞ്ഞു.

“എത്രയും വേഗം അവൻ കളിയിൽ എത്തണം. അവൻ ഒരു ഓപ്പണറല്ല,, 10-15 ഓവർ അവന് ബാറ്റ് ചെയ്യാൻ കഴിയുമെങ്കിൽ, എന്താണ് സംഭവിക്കുക എന്ന് നിങ്ങൾക്കറിയാം” ലാറ പറഞ്ഞു. ഇപ്പോൾ ഇന്ത്യയുടെ മൂന്നാം നമ്പറായി കോഹ്ലി ആണ് ഇറങ്ങുന്നത്. സൂര്യ മൂന്നാമൻ ആകണം എങ്കിൽ കോഹ്ലി രോഹിതിന് ഒരുമിച്ച് ഓപ്പൺ ചെയ്യേണ്ടി വരും.