മത്സരം സമനിലയില്, സൂപ്പര് ഓവറില് പഞ്ചാബ്
കര്ണ്ണാടകയ്ക്കെതിരെ സൂപ്പര് ഓവര് ജയവുമായി പഞ്ചാബ്. സയ്യദ് മുഷ്താഖ് അലി ട്രോഫി സൂപ്പര് ലീഗ് ഗ്രൂപ്പ് എ മത്സരത്തിലാണ് കര്ണ്ണാടകയെ പിന്തള്ളി പഞ്ചാബ് തങ്ങളുടെ സൂപ്പര് ലീഗിലെ ആദ്യ മത്സരത്തില് തന്നെ ജയം നേടിയത്. ആദ്യം ബാറ്റ് ചെയ്ത കര്ണ്ണാടക 20 ഓവറില് 7 വിക്കറ്റ് നഷ്ടത്തില് 158 റണ്സ് നേടുകയായിരുന്നു. അനിരുദ്ധ ജോഷി (19 പന്തില് പുറത്താകാതെ 40 റണ്സ്), രവികുമാര് സമര്ത്ഥ്(31), സിഎം ഗൗതം(36) എന്നിവരാണ് കര്ണ്ണാടകയ്ക്കായി തിളങ്ങിയത്. പഞ്ചാബിനായി ബല്തേജ് സിംഗ് മൂന്നും മന്പ്രീത് ഗോണി രണ്ടും വിക്കറ്റ് നേടി.
മന്ദീപ് സിംഗ്(45), ഹര്ഭജന് സിംഗ്(33), യുവരാജ് സിംഗ്(29) എന്നിവരാണ് പഞ്ചാബിനായി തിളങ്ങിയത്. 9 വിക്കറ്റുകള് നഷ്ടമായ പഞ്ചാബിനു അവസാന പന്തില് നിന്ന് 7 റണ്സ് ജയത്തിനായി നേടേണ്ട സാഹചര്യത്തില് ടീം 6 റണ്സ് നേടുകയായിരുന്നു. കര്ണ്ണാടകയ്ക്കായി ശ്രീനാഥ് അരവിന്ദ് 4 വിക്കറ്റ് നേടി.
സൂപ്പര് ഓവറില് പഞ്ചാബ് 15 റണ്സ് നേടിയപ്പോള് കര്ണ്ണാടകയ്ക്ക് 11 റണ്സ് മാത്രമേ നേടാനായുള്ളു. മന്ദീപ് സിംഗ്(10*), യുവരാജ് സിംഗ്(5*) എന്നിവര് പഞ്ചാബിനായി ബാറ്റിംഗിനിറങ്ങിയപ്പോള് കരുണ് നായര്(8*), അനിരുദ്ധ(2*) എന്നിരാണ് കര്ണ്ണാടകയ്ക്കായി ചേസിംഗിന് ഇറങ്ങിയത്.
സിദ്ധാര്ത്ഥ് കൗള് ആണ് വിജയികള്ക്കായി പന്തെറിഞ്ഞത്. കര്ണ്ണാടകയുടെ സൂപ്പര് ഓവര് എറിഞ്ഞത് കെ ഗൗതം ആയിരുന്നു.
കൂടുതൽ കായിക വാർത്തകൾക്ക് : www.facebook.com/FanportOfficial
