മുൻ കേരള ബ്ലാസ്റ്റേഴ്സ് താരം ബെൽഫോർട്ട് വീണ്ടും കേരളത്തിൽ! കാലിക്കറ്റ് എഫ് സിക്കായി കളിക്കും

മുൻ കേരള ബ്ലാസ്റ്റേഴ്സ് താരവും ഹെയ്തി ഇന്റർനാഷണലുമായ കെവർവൻസ് ബെൽഫോർട് കേരളത്തിലേക്ക് തിരികെയെത്തി. സൂപ്പർ ലീഗ് കേരളയിൽ ബെൽഫോർട്ട് കളിക്കും എന്നാണ് പുതിയ റിപ്പോർട്ടുകൾ. സൂപ്പർ ലീഗ് കേരള ക്ലബായ കാലിക്കറ്റ് എഫ് സി ആകും ബെൽഫോർട്ടിനെ സ്വന്തമാക്കുന്നത്. 32കാരനായ താരത്തിന്റെ സൈനിംഗ് ക്ലബ് ഉടൻ പ്രഖ്യാപിക്കും എന്ന് സൂചനകൾ നൽകിയിട്ടുണ്ട്.

ഇപ്പോൾ ബെൽഫോർട്ട് ഇന്തോനേഷ്യൻ ക്ലബായ പെരിസിജപ് ജപരയ്ക്ക് വേണ്ടിയാണ് കളിക്കുന്നത്. അവസാനമായി ഇന്ത്യയിൽ ഐ എസ് എല്ലിൽ ജംഷദ്പൂർ എഫ് സിക്കായായിരുന്നു ബെൽഫോർട്ട് കളിച്ചിരുന്നത്. മുമ്പ് അസർബൈജാൻ ഒന്നാം ഡിവിഷൻ ക്ലബായ സീറ എഫ് സിയിലും ബെൽഫോർട്ട് കളിച്ചിട്ടുണ്ട്.

26കാരനായ ഈ ഹെയ്തി താരം കേരളത്തിനു വേണ്ടി 2016-17 സീസണിൽ നിർണായകമായ പ്രകടനം നടത്തിയിരുന്നു. മൂന്നു ഗോൾ ബ്ലാസ്റ്റേഴ്സിനായി സ്കോർ ചെയ്തിട്ടുള്ള താരം അന്ന് ആരാധകരുടെ പ്രിയപ്പെട്ട താരം കൂടിയായിരുന്നു.