മലയാളി തിളക്കത്തിൽ സർവീസസിന് സന്തോഷ് ട്രോഫി കിരീടം
സന്തോഷ് ട്രോഫിയിൽ സർവീസ് ചാമ്പ്യന്മാർ. ഇന്ന് നടന്ന ഫൈനലിൽ ഗോവയെ തോൽപ്പിച്ച് ആണ് സർവീസസ് കിരീടം നേടിയത്. മലയാളി താരങ്ങളുടെ മികവിൽ ആയിരുന്നു സർവീസസിന്റെ വിജയം. എതിരില്ലാത്ത ഒരു ഗോളിന് ജയിച്ചപ്പോൾ ആ ഗോൾ മലയാളി കൂട്ടുകെട്ടിലാണ് വീണത്.
ഇന്ന് ആദ്യ പകുതിയിൽ ഗോൾ ഒന്നും വന്നില്ല. രണ്ടാം പകുതിയിൽ 64ആം മിനുട്ടിൽ മലയാളിയായ ഷെഫീൽ ആണ് സർവീസസിന്റെ വിജയ ഗോളായി മാറിയ ഗോൾ നേടിയത്. മലയാളി തന്നെ ആയ രാഹുലിന്റെ അസിസ്റ്റിൽ നിന്നായിരുന്നു ഗോൾ. സർവീസിന്റെ ഏഴാം സന്തോഷ് ട്രോഫി കിരീടമാണിത്.