തിയാഗോ സിൽവ ഈ സീസണോടെ ചെൽസി വിടും

ബ്രസീലിയൻ താരം തിയാഗോ സിൽവ ചെൽസി വിടാൻ തീരുമാനിച്ചു. ഈ സീസൺ അവസാനത്തോടെ താരം ക്ലബ് വിടും. തിയാഗോ സിൽവക്ക് ഈ സീസൺ അവസാനം വരെ മാത്രമെ ചെൽസിയിൽ കരാർ ഉള്ളൂ. താരം കരാർ പുതുക്കില്ല. 39കാരനായ താരം വിരമിക്കില്ല. ബ്രസീലിയൻ ക്ലബുകൾ ആകും സിൽവയുടെ അടുത്ത ലക്ഷ്യം.

2020ലെ സമ്മറിൽ ആയിരുന്നു സിൽവ പി എസ് ജി വിട്ട് ചെൽസിയിൽ എത്തിയത്. അന്ന് മുതൽ സിൽവ ചെൽസിക്കായി ഗംഭീര പ്രകടനങ്ങൾ കാഴ്ചവെച്ചു. ഇതുവരെ ചെൽസിക്ക് വേണ്ടി 107 മത്സരങ്ങൾ സിൽവ കളിച്ചിട്ടുണ്ട്. 8 ഗോളുകളും നേടി. ചെൽസിക്ക് ഒപ്പം ചാമ്പ്യൻസ് ലീഗ് അടക്കം മൂന്ന് കിരീടങ്ങളും അദ്ദേഹം നേടി.