Category: Commonwealth Games

കോമൺവെൽത്ത് ഗെയിംസിൽ പതിമൂന്നാം സ്വർണവും നാൽപ്പതാം മെഡലുമായി ഇന്ത്യ. ഇന്നത്തെ മാത്രം പതിനാലാമത്തെ മെഡൽ ആണ് ഇന്ത്യ സ്വന്തമാക്കിയത്. ടോക്കിയോ പാരലിമ്പ്ക്സിൽ വെള്ളി മെഡൽ നേടിയ ഭവിന പട്ടേൽ കോമൺവെൽത്ത് ഗെയിംസിൽ ഇന്ത്യക്ക് സ്വർണം സമ്മാനിച്ചു. പാര ടേബിൾ ടെന്നീസ് ക്ലാസ് 3-5 വിഭാഗം സിംഗിൾസിൽ ആണ് ഭവിന സ്വർണം സ്വന്തം പേരിൽ കുറിച്ചത്.

ഇന്ത്യയുടെ ചരിത്രത്തിലെ ആദ്യ പാര ടേബിൾ ടെന്നീസ് സ്വർണ മെഡൽ ആയിരുന്നു ഇത്. നൈജീരിയയുടെ ഇക്പെയോയിയെ നേരിട്ടുള്ള സെറ്റുകൾക്ക് തോൽപ്പിച്ചു ആയിരുന്നു ഇന്ത്യൻ താരത്തിന്റെ സ്വർണ നേട്ടം. കടുത്ത പോരാട്ടം കണ്ട ആദ്യ സെറ്റ് 12-10 നു ജയിച്ച ഭവിന രണ്ടാം സെറ്റ് 11-2 നു അനായാസം നേടി. മൂന്നാം സെറ്റിൽ പോരാട്ടം കണ്ടെങ്കിലും 11-9 നു ജയിച്ച ഭവിന ഇന്നത്തെ ഇന്ത്യയുടെ നാലാം സ്വർണം സ്വന്തം പേരിലാക്കി.

കോമൺവെൽത്ത് ഗെയിംസിൽ ഇന്നത്തെ പന്ത്രണ്ടാം മെഡൽ ഇന്ത്യക്ക് സമ്മാനിച്ചു സോനൽബെൻ പട്ടേൽ. വനിതകളുടെ പാര ക്ലാസ്സസ് 3-5 സിംഗിൾസിൽ ആണ് താരം വെങ്കല മെഡൽ നേട്ടം കൈവരിച്ചത്.

ഇംഗ്ലീഷ് താരം സു ബെയിലിയെ 11-5, 11-2, 11-3 എന്ന സ്കോറിന് തകർത്താണ് ഇന്ത്യൻ താരം വെങ്കലം ഉറപ്പിച്ചത്. ഇതോടെ ഇന്ത്യൻ മെഡൽ നേട്ടം 38 ആയി ഉയർന്നു. അത്ലറ്റിക്സിലും ഗുസ്തിയിലും ബോക്സിങിലും ഇന്ത്യൻ താരങ്ങൾ മെഡലുകൾ സ്വന്തമാക്കുന്ന കാഴ്ചയാണ് ഇന്ന് കാണാൻ ആയത്.

കോമൺവെൽത്ത് ഗെയിംസിൽ ഇന്ത്യക്ക് പതിനൊന്നാം സ്വർണം സമ്മാനിച്ചു വിനേഷ് ഫോഗട്ട്. വനിതകളുടെ 53 കിലോഗ്രാം വിഭാഗത്തിൽ ഫ്രീ സ്റ്റൈൽ ഗുസ്തിയിൽ എതിരാളികൾക്ക് ഒരവസരവും നൽകാതെയാണ് കോമൺവെൽത്ത് ഗെയിംസിൽ തുടർച്ചയായ മൂന്നാം സ്വർണം വിനേഷ് ഫോഗട്ട് നേടിയത്. തുടർച്ചയായ മൂന്നു കോമൺവെൽത്ത് ഗെയിംസിൽ സ്വർണം നേടുന്ന ആദ്യ ഇന്ത്യൻ വനിത താരമായും ഇതോടെ ഫോഗട്ട് മാറി.

തന്റെ നോർഡിക് സിസ്റ്റം ഗ്രൂപ്പിലെ മൂന്നു മത്സരങ്ങളും ജയിച്ചാണ് ഫോഗട്ട് സ്വർണം സ്വന്തം പേരിൽ കുറിച്ചത്. കാനഡയുടെ സാമന്തയെയും നൈജീരിയയുടെ മേഴ്സിയെയും തോൽപ്പിച്ച ഫോഗറ്റ് ഇന്ന് ശ്രീലങ്കയുടെ ചമോദയെയും തോൽപ്പിച്ചു. മൂന്നു മത്സരങ്ങളിൽ ഒരു പോയിന്റ് പോലും എതിരാളികൾക്ക് ഇന്ത്യയുടെ പെൺ പുലി നൽകിയില്ല. വെള്ളി മെഡൽ ജേതാവിനെ ഫോഗറ്റ് മലർത്തിയടിക്കുകയും ചെയ്തു. ഈ നേട്ടത്തോടെ ഇന്ത്യയുടെ മെഡൽ നേട്ടം 33 ആയി.

Story Highlight: Vinesh Phogat wins 11th GOLD 🥇for India today. 5th in Wrestling 🤼‍♀️