ഐഡിബിഐ ഫെഡറല് ലൈഫ് ഇന്ഷ്വറന്സ് ഹൈദ്രാബാദ് ഓപ്പണ് 2019ല് കിരീടം നേടി ഇന്ത്യയുടെ സൗരഭ് വര്മ്മ. ഫൈനലില് സിംഗപ്പൂരിന്റെ കീന് യേവ് ലോയെ മൂന്ന് ഗെയിം പോരാട്ടത്തിലാണ് സൗരഭ് കീഴടക്കിയത്. ആദ്യ ഗെയിം അനായാസം സൗരഭ് നേടിയപ്പോള് രണ്ടാം ഗെയിമില് താരത്തിന് കാലിടറി. എങ്കിലും പതറാതെ മൂന്നാം ഗെയിമും കിരീടവും സൗരഭ് സ്വന്തമാക്കി.
52 മിനുട്ടിലാണ് സൗരഭ് തന്റെ വിജയം കരസ്ഥമാക്കിയത്. സ്കോര്: 21-13, 14-21, 21-16.
