ഇന്ത്യന്‍ ഡബിള്‍സ് താരങ്ങളായ സാത്വിക്സായിരാജ് റാങ്കിറെഡ്ഢി-ചിരാഗ് ഷെട്ടിയെയും സിംഗിള്‍സ് താരം സമീര്‍ വര്‍മ്മയെയും അര്‍ജ്ജുന്‍ അവാര്‍ഡിനായി ശുപാര്‍ശ ചെയ്ത് ബാഡ്മിന്റണ്‍ അസോസ്സിയേഷന്‍ ഓഫ് ഇന്ത്യ. ഇന്ത്യയ്ക്കായി അടുത്തിടെയായി മികച്ച പ്രകടനങ്ങളാണ് ഈ താരങ്ങളെല്ലാം നടത്തി വന്നിരുന്നത്.
നിലവില്‍ ലോക റാങ്കിംഗില്‍ 10ാം സ്ഥാനത്താണ് സാത്വിക്-ചിരാഗ് കൂട്ടുകെട്ട്. ടോക്കിയോ ഒളിമ്പിക്സിന് യോഗ്യത നേടുവാന്‍ സാധ്യതയുള്ള ഇന്ത്യന്‍ ബാഡ്മിന്റണ്‍ താരങ്ങളില്‍ മുന്‍ പന്തിയിലാണ് ഈ ഡബിള്‍സ് ജോഡി. സമീര്‍ വര്‍മ്മയും അടുത്തിടെയായി മികച്ച പ്രകടനങ്ങള്‍ അന്താരാഷ്ട്ര ടൂര്‍ണ്ണമെന്റുകളില്‍ പുറത്തെടുത്തിട്ടുണ്ട്.
