Local Sports News in Malayalam

മലേഷ്യ ഓപ്പൺ: ലോക റാങ്കിംഗിൽ നാലാം സ്ഥാനക്കാരനെ വീഴ്ത്തി പ്രണോയ്, സിന്ധുവും ക്വാര്‍ട്ടറിൽ, കശ്യപിന് പരാജയം

മലഷ്യ ഓപ്പൺ 2022ന്റെ ക്വാര്‍ട്ടര്‍ ഫൈനലില്‍ കടന്ന് എച്ച്എസ് പ്രണോയിയും പിവി സിന്ധുവും. അതേ സമയം പാരുപ്പള്ളി കശ്യപിന് രണ്ടാം റൗണ്ടിൽ പരാജയം ഏറ്റു വാങ്ങേണ്ടി വന്നു. പ്രണോയ് 21-15, 21-7 എന്ന സ്കോറിന് തായ്‍വാന്റെ ടിയന്‍ ചെന്‍ ചൗവിനെ പരാജയപ്പെടുത്തുകയായിരുന്നു. സിന്ധു തായ്‍ലാന്‍ഡിന്റെ ഫിറ്റായപോൺ ചൈവാനിനോട് ആദ്യ ഗെയിമിൽ പിന്നിൽ പോയെങ്കിലും ശക്തമായ തിരിച്ചുവരവ് നടത്തി വിജയം രചിക്കുകയായിരുന്നു. സ്കോര്‍ 19-21, 21-9, 21-14.

പാരുപ്പള്ളി കശ്യപ് തായ്‍ലാന്‍ഡിന്റെ കുന്‍ലാവട് വിടിഡ്സാര്‍നിനോട് നേരിട്ടുള്ള ഗെയിമിലാണ് പരാജയം ഏറ്റു വാങ്ങിയത്. 19-21, 10-21 എന്ന സ്കോറിനാണ് താരം പരാജയപ്പെട്ടത്.

You might also like