സിന്ധുവിനും സൈനയ്ക്കും കിഡംബിയ്ക്കും നിരാശ, ലക്ഷ്യ സെൻ മുന്നോട്ട്

ഓള്‍ ഇംഗ്ലണ്ട് ബാഡ്മിന്റൺ ഓപ്പൺ 2022ൽ ഇന്ത്യന്‍ താരങ്ങളായ പിവി സിന്ധുവും സൈന നെഹ്‍വാലും ശ്രീകാന്ത് കിഡംബിയും പുറത്ത്. അതേ സമയം ലക്ഷ്യ സെന്‍ ക്വാര്‍ട്ടര്‍ ഫൈനലില്‍ പ്രവേശിച്ചു. സിന്ധു ജപ്പാന്റെ സയാക്ക തകാഹാഷിയോട് മൂന്ന് ഗെയിം പോരാട്ടത്തിലാണ് കീഴടങ്ങിയത്. സ്കോർ: 19-21, 21-16, 17-21.

ഡെന്മാര്‍ക്കിന്റെ മൂന്നാം സീഡ് ആന്‍ഡേഴ്സ് ആന്റോന്‍സനിനെ നേരിട്ടുള്ള ഗെയിമിൽ പരാജയപ്പെടുത്തിയാണ് ലക്ഷ്യ സെന്‍ ക്വാര്‍ട്ടർ ഉറപ്പാക്കിയത്. 21-16, 21-18 എന്ന സ്കോറിനായിരുന്നു ഇന്ത്യന്‍ യുവ താരത്തിന്റെ വിജയം.

സൈന അകാനെ യമാഗൂച്ചിയോട് 14-21, 21-17, 17-21 എന്ന സ്കോറിനാണ് കീഴടങ്ങിയത്. കിഡംബിയാകട്ടെ ഇന്തോനേഷ്യയുടെ ആന്തോണി സിനിസുക ഗിന്റിഗിനോട് ആദ്യ ഗെയിമിൽ ആധിപത്യത്തോടെ മുന്നേറിയെങ്കിലും പിന്നീടുള്ള രണ്ട് ഗെയിമിലും പിന്നിൽ പോയി. സ്കോര്‍: 21-9, 18-21, 19-21.