കേരള പ്രീമിയർ ലീഗിൽ മികച്ച ഫോം മുത്തൂറ്റ് തുടരുന്നു. ഗ്രൂപ്പ് ബിയിൽ ഇന്ന് നടന്ന മത്സരത്തിൽ എം എ കോളേജിനെ എതിരില്ലാത്ത മൂന്ന് ഗോളിനായിരുന്നു മുത്തൂറ്റ് എഫ് എ തോൽപ്പിച്ചത്. മുത്തൂറ്റിനായി 30ആം മിനുട്ടിൽ വെസ്ലി അലക്സിലൂടെയാണ് മുത്തൂറ്റ് ലീഡ് എടുത്തത്. 32ആം മിനുട്ടിൽ വെറോൺ ലീഡ് ഇരട്ടിയാക്കി.
രണ്ടാം പകുതിയിൽ സെന്തമിഴി മൂന്നാം ഗോൾ നേടിക്കൊണ്ട് വിജയം ഉറപ്പിച്ചു. വെറോൺ ആണ് മാൻ ഓഫ് ദി മാച്ച്.
ഈ വിജയത്തോടെ മുത്തൂറ്റ് 7 മത്സരങ്ങളിൽ നിന്ന് 15 പോയിന്റുമായി മൂന്നാമത് നിൽക്കുന്നു. എം എ കോളേജ് പത്താമതാണ്.
