വിനീഷ്യസിന് ഇരട്ടഗോൾ, വാൽവെർദെക്ക് ഹാട്രിക്ക് അസിസ്റ്റ്, റയൽ മാഡ്രിഡിന് 10 പോയിന്റ് ലീഡ്

ലാലിഗയിൽ റയൽ മാഡ്രിഡിന് തകർപ്പൻ വിജയം. ഇന്ന് ഒസാസുനയെ നേരിട്ട റയൽ മാഡ്രിഡ് എവേ ഗ്രൗണ്ടിൽ രണ്ടിനെതിരെ നാലു ഗോളുകൾക്ക് വിജയിച്ചു. ഇരട്ട ഗോളുകളുമായി വിനീഷ്യസ് ജൂനിയറും ഹാട്രിക്ക് അസിസ്റ്റുമായി ഫെഡെ വാല്വെർദെയും ഒന്ന് റയൽ മാഡ്രിഡിനായി തിളങ്ങി.

ഇന്ന് നാലാം മിനുട്ടിൽ തന്നെ വിനീഷ്യസ് ജൂനിയർ റയൽ മാഡ്രിഡിന് ലീഡ് നൽകി. ഏഴാം മിനുട്ടിൽ ബുദിമിറിലൂടെ ഒസാസുന സമനില നേടി. സ്കോർ 1-1. 18ആം മിനുട്ടിൽ കാർവഹാൾ വീണ്ട റയൽ മാഡ്രിഡിനെ മുന്നിലെത്തിച്ചു. വല്വെർദെ ആയിരുന്നു ഈ ഗോൾ ഒരുക്കിയത്. 61ആം മിനുട്ടിൽ ബ്രഹിം ഡിയസിലൂടെ റയൽ മൂന്നാം ഗോൾ നേടി. ഈ ഗോളും വാല്വെർദെ തന്നെ ആണ് ഒരുക്കിയത്. 3-1.

64ആം മിനുട്ടിൽ വാല്വെർദെയുടെ അസിസ്റ്റിൽ നിന്ന് വിനീഷ്യസ് തന്റെ രണ്ടാം ഗോൾ നേടി. സ്കോർ 4-1. അവസാനം ഐകർ മുനോസ് ഒസാസുനക്ക് ആയി ഗോൾ നേടിയത് അവരുടെ പരാജയ ബ്ജാരം കുറച്ചു.

ഈ ജയത്തോടെ റയൽ മാഡ്രിഡ് 29 മത്സരങ്ങളിൽ നിന്ന് 72 പോയിന്റിൽ എത്തി. ഒന്നാം സ്ഥാനത്ത് 10 പോയിന്റിന്റെ ലീഡ് അവർക്ക് ഉണ്ട്.