കേരള പ്രീമിയർ ലീഗ് യോഗ്യത തേടി കേരള ബ്ലാസ്റ്റേഴ്സ് റിസേർവ്സ് ഇന്ന് ഇറങ്ങുന്നു

കേരള ബ്ലാസ്റ്റേഴ്സ് റിസേർവ്സ് ഇന്ന് കെ പി എൽ യോഗ്യത റൗണ്ടിൽ ഇറങ്ങും. കാസർഗോഡ് നടക്കുന്ന മത്സരത്തിൽ സാക്രെഡ് ഹാർട്സ് തൃശ്ശൂരിനെ ആകും കേരള ബ്ലാസ്റ്റേഴ്സ് റിസേർവ്സ് നേരിടുക. ആദ്യ മത്സരത്തിൽ ആലപ്പി ഇലവനെ തോൽപ്പിച്ച് ആണ് സേക്രഡ് ഹാർട്സ് വരുന്നത്. ഡൂറണ്ട് കപ്പിലും അതിനു മുമ്പ് നെക്സ്റ്റ് ജെൻ കപ്പിലും കളിച്ചിട്ടുള്ള ബ്ലാസ്റ്റേഴ്സ് റിസേർവ്സ് ടീം അവരുടെ ഏറ്റവും മികച്ച നിലയിലാണ് ഇപ്പോൾ ഉള്ളത്.

അതുകൊണ്ട് തന്നെ കേരള ബ്ലാസ്റ്റേഴ്സ് തന്നെയാണ് ഇന്ന് ഫേവറിറ്റ്സ്. ഡൂറണ്ട് കപ്പിൽ തിളങ്ങിയ മുഹമ്മദ് ഐമൻ, അസ്ഹർ, അജ്സൽ, റോഷൻ ജിജി, ഗോൾ കീപ്പർ സച്ചിൻ സുരേഷ് എന്നിവർ എല്ലാം സ്ക്വാഡിൽ ഉണ്ട്. ഇന്ന് വൈകിട്ട് 4 മണിക്ക് നടക്കുന്ന മത്സരം സ്പോർട്കാസ്റ്റ് ഇന്ത്യയുടെ യൂട്യൂബ് ചാനൽ വഴി തത്സമയം കാണാം.