FeaturedIndian Super League

സെരിടൺ ഫെർണാണ്ടസ് എഫ് സി ഗോവ വിടില്ല, പുതിയ കരാർ ഒപ്പുവെച്ചു

1 min read

ഗോവയുടെ താരം സെരിടൺ ബെന്നി ഫെർണാണ്ടസ് എഫ് സി ഗോവയ്ക്ക് ഒപ്പം തന്നെ തുടരും. 2017 സീസൺ തുടക്കത്തിൽ ഡ്രാഫ്റ്റിലൂടെ എഫ് സി ഗോവയിൽ എത്തിയ സെരിടൺ അന്ന് മുതൽ ഗോവയ്ക്കായി ഗംഭീര പ്രകടനമാണ് കാഴ്ച വെക്കുന്നത്. 2 വർഷത്തെ കരാറിലാണ് സെരിടൺ ഒപ്പുവെച്ചത്. ഈ പുതിയ കരാറോടെ 2024 വരെ സെരിടൺ എഫ് സി ഗോവയിൽ തുടരും എന്ന് ഉറപ്പായി.

ഇതുവരെ ഗോവൻ ഡിഫൻസിൽ 95 മത്സരങ്ങൾ സെരിടൺ കളിച്ചിട്ടുണ്ട്. 4 അസിസ്റ്റുകളും സെരിടൺ സ്വന്തമാക്കി. കഴിഞ്ഞ സീസണിൽ 17 മത്സരങ്ങൾ കളിച്ചിരുന്നു. മുമ്പ് ഗോവൻ ക്ലബായ സ്പോർട്ടിങ്ങ് ഗോവയുടെ താരമായിരുന്നു സെരിടൺ. ചർച്ചിൽ ബ്രദേഴ്സിന് വേണ്ടിയും സെരിടൺ ബൂട്ടണിഞ്ഞിട്ടുണ്ട്.