പ്രീ സീസണിൽ കേരള ബ്ലാസ്റ്റേഴ്സിന് ജയം
തായ്ലൻഡിൽ നടന്ന കേരള ബ്ലാസ്റ്റേഴ്സിന്റെ രണ്ടാമത്തെ പ്രീ സീസൺ മത്സരത്തിൽ കേരള ബ്ലാസ്റ്റേഴ്സിന് വിജയം. തായ്ലൻഡ് ക്ലബായ പോർട്ട് എഫ് സി ബി ടീമിനീയാണ് കേരള ബ്ലാസ്റ്റേഴ്സ് ഒന്നിനെതിരെ മൂന്ന് ഗോളുകൾക്ക് തോൽപ്പിച്ചത്.
ഗോൾ രഹിതമായ ആദ്യ പകുതിക്ക് ശേഷമാണ് മത്സരത്തിലെ മുഴുവൻ ഗോളുകളും പിറന്നത്. രണ്ടാം പകുതിയുടെ തുടക്കത്തിൽ സഹലിലൂടെയാണ് കേരള ബ്ലാസ്റ്റേഴ്സ് ഗോളടി തുടങ്ങിയത്. സഹൽ കഴിഞ്ഞ പ്രീ സീസൺ മത്സരത്തിലും ഗോൾ നേടിയിരുന്നു. അധികം താമസിയാതെ വിനീതിലൂടെ കേരള ബ്ലാസ്റ്റേഴ്സ് ലീഡ് ഉയർത്തി. പ്രീ സീസണിൽ താരത്തിന്റെ ആദ്യ ഗോളായിരുന്നു.
തുടർന്ന് 74ആം മിനുട്ടിൽ പോർട്ട് എഫ്.സി ഒരു ഗോൾ മടക്കിയെങ്കിലും കളി തീരാൻ മിനുട്ടുകൾ മാത്രം ബാക്കിനിൽക്കെ സ്ലാവിസയിലൂടെ മൂന്നാമത്തെ ഗോളും നേടി കേരള ബ്ലാസ്റ്റേഴ്സ് വിജയമുറപ്പിച്ചു.