മലയാളി യുവ ഡിഫൻഡർ സൽമാൻ ഫാരിസ് ഇനി മൊഹമ്മൻസിൽ

മലയാളി യുവ ഡിഫൻഡർ സൽമാൻ ഫാരിസ് ഇനി മൊഹമ്മൻസിൽ. സൽമാൻ ഫാരിസിനെ മൊഹമ്മദൻ സ്പോർടിങ് സ്വന്തമാക്കിയതായാണ് റിപ്പോർട്ടുകൾ‌‌. ഈ സീസണിൽ ഐ എസ് എല്ലിലേക്ക് പ്രൊമോഷൻ നേടിയ ടീമാണ് മൊഹമ്മദൻസ്. മുമ്പ് എഫ് സി ഗോവയുടെ യൂത്ത് ടീമിനൊപ്പം ഉണ്ടായിരുന്ന താരമാണ് സൽമാൻ ഫാരിസ്.

എഫ് സി ഗോവയ്ക്ക് വേണ്ടി ഡ്യൂറണ്ട് കപ്പിൽ കളിച്ചിട്ടുണ്ട്. റിലയൻസ് യൂത്ത് ഫൗണ്ടേഷനിലൂടെ വളർന്നു വന്നതാരം വരും സീസണിൽ ഐ എസ് എല്ലിൽ അരങ്ങേറ്റം നടത്തും എന്ന് പ്രതീക്ഷിക്കാം. 22കാരനായ റൈറ്റ് ബാക്ക് കോഴിക്കോട് കിണാശ്ശേരി സ്വദേശിയാണ്. കോഴിക്കോട് യൂണിവേഴ്സിറ്റിക്ക് വേണ്ടിയും ബെംഗളൂരു എഫ് സി അക്കാദമി ടീമുകൾക്കായും കളിച്ചിട്ടുണ്ട്.