“മുംബൈ സിറ്റിയും മോഹൻ ബഗാനും ഐ എസ് എല്ലിലെ റയൽ മാഡ്രിഡും ബാഴ്സലോണയും പോലെ” – മനോലോ

ഐ എസ് എല്ലിൽ മുംബൈ സിറ്റിയും മോഹൻ ബഗാനും വളരെ മുന്നിൽ ആണ് എന്നും ഏറെ കരുത്തരാണ് എന്നും പുതിയ എഫ് സി ഗോവ പരിശീലകൻ മനോലോ മാർക്കസ്. ഈ രണ്ട് ക്ലബുകളും ഐ എസ് എല്ലിലെ ബാഴ്സലോണയും റയൽ മാഡ്രിഡും പോലെ ആണ് എന്ന് മനോലോ പറയുന്നു. ബഡ്ജറ്റ് കൊണ്ട് വലിയ സ്ക്വാഡ് കൊണ്ടും ഈ രണ്ടു ടീമുകളും ഏറെ മുന്നിൽ ആണെന്ന് ഫബ്രിസിയോ പറയുന്നു.

“ഇപ്പോൾ മുംബൈ സിറ്റി എഫ്‌സിയും മോഹൻ ബഗാനും ഇന്ത്യൻ ഫുട്‌ബോളിലെ ബാഴ്‌സലോണയെയും റയൽ മാഡ്രിഡിനെയും പോലെയാണ്, അവർ മറ്റ് ടീമുകളെക്കാൾ ഏറെ മുന്നിലാണ്. എന്നാൽ ഇതിനർത്ഥം ഞങ്ങൾ ഷീൽഡ് നേടുന്നതിന് അവരോട് പോരാടില്ല എന്നല്ല” – മനോലോ പറഞ്ഞു.

അവസാന മൂന്ന് സീസണുകളിൽ ഹൈദരാബാദ് എഫ് സിയുടെ പരിശീലകൻ ആയിരുന്ന മനോലോ ഈ വരുന്ന സീസൺ മുതൽ എഫ് സി ഗോവയുടെ പരിശീലകൻ ആയിരിക്കും.