കേരള ബ്ലാസ്റ്റേഴ്സിന്റെ കിടിലൻ നീക്കം!! ഫ്രീ ആയി പ്രബീർ ദാസ് ടീമിൽ

കേരള ബ്ലാസ്റ്റേഴ്സ് അടുത്ത സീസണിലേക്കായി വലിയ ഒരു നീക്കം തന്നെ പൂർത്തിയാക്കിയിരിക്കുകയാണ്. ഇന്ത്യൻ ഫുട്ബോളിലെ വലിയ പേരായ പ്രബീർ ദാസിനെ ബ്ലാസ്റ്റേഴ്സ് സ്വന്തമാക്കി. ബെംഗളൂരു എഫ് സി താരമായിരുന്ന പ്രബീർ ദാസിനെ ഫ്രീ ട്രാൻസ്ഫറിലാണ് കേരള ബ്ലാസ്റ്റേഴ്സ് സ്വന്തമാക്കിയിരിക്കുന്നത്. ഈ നീക്കം പൂർത്തിയായതായി പ്രമുഖ മാധ്യമപ്രവർത്തകൻ മാർക്കസ് റിപ്പോർട്ട് ചെയ്യുന്നു. ഒരു ട്രാൻസ്ഫർ ഫീയും ബ്ലാസ്റ്റേഴ്സ് ഈ നീക്കത്തിനായി ബെംഗളൂരു എഫ് സിക്ക് നൽകിയില്ല എന്നും മാർക്കസ് പറയുന്നു.

രണ്ട് വർഷത്തെ കരാറിൽ ആകും പ്രബീർ ബെംഗളൂരു എഫ് സി വിട്ട് കേരള ബ്ലാസ്റ്റേഴ്സിലേക്ക് എത്തുന്നത്. ഈ കഴിഞ്ഞ സീസണിൽ ബെംഗളൂരു എഫ് സിക്ക് ആയി 20 മത്സരങ്ങൾ താരം ഐ എസ് എല്ലിൽ കളിച്ചിരുന്നു.

Kerala Blasters FC signed Prabir Das on a FREE transfer. No fee involved in the signing.#IndianFootball #ISL #Transfers #KBFC

— Marcus Mergulhao (@MarcusMergulhao) May 25, 2023

ബെംഗളൂരവിൽ എത്തും മുമ്പ് എ ടി കെ കൊൽക്കത്തയ്ക്ക് ഒപ്പം 2015 മുതൽ ഉള്ള താരമായിരുന്നു. പ്രബീർ ദാസിന് ബെംഗളൂരു എഫ് സിയിൽ രണ്ടു വർഷത്തെ കരാർ കൂടെ ബാക്കി നിൽക്കെ ആണ് താരം ക്ലബ് വിട്ടത്. ഡെൽഹി ഡൈനാമോസിൽ നിന്നാണ് 2015ൽ പ്രബീർ എ ടി കെയിൽ എത്തിയത്. അന്നു മുതൽ കൊൽക്കത്തയുടെ സ്റ്റാർട്ടിംഗ് ലൈനപ്പിൽ ഉള്ള താരമായിരുന്നു പ്രബീദ് ദാസ്. ഇതുവരെ 106 മത്സരങ്ങൾ ഐ എസ് എല്ലിൽ പ്രബീർ കളിച്ചിട്ടുണ്ട്. ഡെൽഹി ഡൈനാമോസിനെ കൂടാതെ എഫ് സി ഗോവയ്ക്കു വേണ്ടിയും പ്രബീർ ജേഴ്സി അണിഞ്ഞിട്ടുണ്ട്.