FeaturedIndian Super League

ഡെൽഹി ഹോം ഗ്രൗണ്ടാക്കി മാറ്റി കേരള ബ്ലാസ്റ്റേഴ്സ്

1 min read

ഇന്നലെ ബ്ലാസ്റ്റേഴ്സ് അണിഞ്ഞ ജേഴ്സി കറുപ്പാകാം, കളിച്ചത് ഡെൽഹിയിലുമാകാം. പക്ഷെ ഡെൽഹിയിലെ ജവഹർലാൽ നെഹ്റു സ്റ്റേഡിയവും കലൂർ സ്റ്റേഡിയം പോലെ മഞ്ഞക്കടലായിരുന്നു ഇന്നലെ. ബ്ലാസ്റ്റേഴ്സിന്റെ ട്രാവലിംഗ് ഫാൻസ് മുമ്പും വാർത്ത ആയിട്ടുണ്ട് എങ്കിലും ആദ്യമായാകും ഹോം ടീമുനേക്കാൾ ആരാധകർ എവേ ഫാൻസിന് ഐ എസ് എല്ലിൽ ഉണ്ടാകുന്നത്.

ഇന്നലെ ഡെൽഹിയിൽ ഗ്യാലറിയിൽ ഉണ്ടായിരുന്ന പതിനായിരത്തിൽ അധികം വരുന്ന ഫുട്ബോൾ പ്രേമികളിൽ പകുതിയിൽ അധികവും ബ്ലാസ്റ്റേഴ്സിന്റെ ആരാധകർ ആയിരുന്നു. മഞ്ഞയിൽ ഒരുങ്ങി എത്തിയ ആ ആരാധകർക്ക് ബ്ലാസ്റ്റേഴ്സിന്റെ ഇന്നലത്തെ ജയത്തിൽ വലിയ പങ്കുണ്ട് എന്നു തന്നെ പറയാം.

ബ്ലാസ്റ്റേഴ്സിന്റെ ട്രാവലിംഗ് ഫാൻസിനെ ഇന്നലെ ടീം സി ഇ ഒ വരുൺ മുതൽ കോച്ച് ജെയിംസ് വരെ എല്ലാവരും പ്രശംസിച്ചു. മഞ്ഞപ്പടയോടെ കളിക്കാർ അടക്കമുള്ളവർ പ്രത്യേകം നന്ദി പറയുകയും ചെയ്തു.

കൂടുതൽ കായിക വാർത്തകൾക്ക് : www.facebook.com/FanportOfficial