പരിക്ക് ഇല്ല, ക്ഷീണം മാത്രമാണെന്ന് സൂര്യകുമാർ

ഇന്ന് സൺറൈസേഴ്സിന് എതിരെ വിജയശില്പി ആയ സൂര്യകുമാർ ബാറ്റു ചെയ്യുമ്പോൾ വേദന സഹിച്ചു കൊണ്ടായിരുന്നു ബാറ്റു ചെയ്തത്. ഇത് ഇന്ത്യൻ ക്രിക്കറ്റ് പ്രേമികളിൽ ആശങ്ക ഉണ്ടാക്കിയിരുന്നു. ആകെ ഒരു മാസത്തിൽ താഴെ മാത്രം ലോകകപ്പിന് ഇരിക്കെ ഒരു പരിക്ക് ഇന്ത്യൻ ക്രിക്കറ്റ് ടീമിന് താങ്ങാൻ ആവുന്നതല്ല. എന്നാൽ ഇന്ന് മത്സര ശേഷം സംസാരിച്ച സൂര്യകുമാർ പരിക്ക് ഒന്നും തനിക്ക് ഇല്ല എന്നും ക്ഷീണം മാത്രമാണെന്നും പറഞ്ഞു.

“ഒരുപാട് നാളുകൾക്ക് ശേഷമാണ് ഞാൻ 20 ഓവർ ഫീൽഡ് ചെയ്യുകയും 18 ഓവർ ബാറ്റ് ചെയ്യുകയും ചെയ്തത്, താൻ ക്ഷീണിതനായത് മാത്രമാണ്‌ വേറെ ആശങ്കകൾ വേണ്ട.” സൂര്യകുമാർ പരിക്കിനെ കുറിച്ച് പറഞ്ഞു.

ഞാൻ ബാറ്റ് ചെയ്യാൻ പോയപ്പോൾ, അവസാനം വരെ ബാറ്റ് ചെയ്യണം എന്ന് ഉറപ്പിച്ചതായിരുന്നു. ഞാൻ എൻ്റെ ക്രീസിലെ സമയം ആസ്വദിച്ചു. വാങ്കഡെയിൽ ധാരാളം ക്രിക്കറ്റ് ഞാൻ കളിച്ചിട്ടുണ്ട്. അത് സഹായകമായിം പന്ത് സീമിംഗ് നിർത്തിയപ്പോൾ, ഞാൻ നെറ്റ്സിൽ പരിശീലിക്കുന്ന എൻ്റെ എല്ലാ ഷോട്ടുകളും കളിച്ചു. സൂര്യകുമാർ പറഞ്ഞു.