സഞ്ജു സാംസണ് 486 റൺസ്, IPL-ൽ സഞ്ജുവിന്റെ ഏറ്റവും മികച്ച സീസൺ

ഈ സീസൺ ബാറ്റു കൊണ്ട് സഞ്ജു സാംസണിന്റെ ഏറ്റവും മികച്ച ഐ പി എൽ സീസൺ ആയിരിക്കുകയാണ്. ഇന്ന് ചെന്നൈ സൂപ്പർ കിങ്സിനോട് പരാജയപ്പെട്ടു എങ്കിലും ഇന്ന് നേടിയ റൺസോടെ സഞ്ജു ഈ ഐ പി എൽ സീസണിൽ 486 റൺസിൽ എത്തി. ഒരു ഐപിഎൽ സീസണിൽ അദ്ദേഹത്തിന് ഏറ്റവും കൂടുതൽ റൺസ് എന്ന റെക്കോർഡ് ഇതോടെ പിറന്നിരിക്കുകയാണ്.

ഐപിഎൽ 2021ൽ 484 റൺസ് എടുത്തത് ആയിരുന്നു സഞ്ജുവിന്റെ ഇതിനു മുന്നേയുള്ള ഏറ്റവും മികച്ച ഐ പി എൽ സീസൺ. ഈ വർഷത്തെ 69.4 എന്ന ശരാശരിയിലും 158.8 എന്ന സ്‌ട്രൈക്ക് റേറ്റിലുമാണ് സഞ്ജു കളിക്കുന്നത്. അഞ്ച് അർധ സെഞ്ച്വറിയും സഞ്ജു ഇതുവരെ നേടിയിട്ടുണ്ട്. ഇനി 500 എന്ന നാഴികക്കല്ല് പിന്നിടുക ആകും സഞ്ജുവിന്റെ ലക്ഷ്യം.