“റാഷിദ് ഖാൻ ആണ് ഗുജറാത്തിന്റെ തുറുപ്പുചീട്ട്” – സെവാഗ്

ഗുജറാത്ത് ടൈറ്റൻസ് ഈ സീസണിലും അവരുടെ ഗംഭീര പ്രകടനം തുടരുകയാണ്‌. റാഷിദ് ഖാൻ, മുഹമ്മദ് ഷമി, ശുഭ്മാൻ ഗിൽ എന്നിവരാണ് ഗുജറാത്തിനായി ഈ സീസണിൽ അത്ഭുത പ്രകടനം നടത്തുന്നത്‌. എന്നാൽ ഇവരിൽ റാഷിദ് ഖാൻ ആണ് ഗുജറാത്തിന്റെ ഏറ്റവും പ്രധാനപ്പെട്ട താരം എന്ന് മുൻ ഇന്ത്യൻ താരം സെവാഗ് പറഞ്ഞു.

“ഗുജറാത്തിന്റെ തുറുപ്പുചീട്ടാണ് റാഷിദ് ഖാൻ. അവർക്ക് വിക്കറ്റ് വേണമെങ്കിൽ അവനെ കൊണ്ടുവരാണ്. ഹാർദിക് റാഷിദിനെ ഉപയോഗിച്ച രീതിയും അഭിനന്ദനാർഹമാണ്. റാഷിദ് കൂട്ടുകെട്ടുകൾ തകർക്കാൻ ഇഷ്ടപ്പെടുന്നു, ഇപ്പോൾ തന്റെ മികച്ച പ്രകടനത്തിന്റെ അടിസ്ഥാനത്തിൽ ഈ സീസണിലെ ഏറ്റവും വിജയകരമായ ബൗളറായി അവം മാറിയിരിക്കുന്നു, ”സെവാഗ് സ്റ്റാർ സ്പോർട്സിൽ പറഞ്ഞു.