KKR ഓപ്പണർ ഫിൽ സാൾട്ട് നാട്ടിലേക്ക് മടങ്ങി, വൻ തിരിച്ചടി

കൊൽക്കത്ത നൈറ്റ്സ് റൈഡേഴ്സ് താരം ഫിൽ സാൾട്ട് ഇംഗ്ലണ്ടിലേക്ക് മടങ്ങി. താരം ഇനി ഉള്ള ഐപിഎൽ മത്സരങ്ങളിൽ കളിക്കില്ല എന്ന് ക്ലബ് അറിയിച്ചു. ഇംഗ്ലണ്ടിന് അടുത്ത ആഴ്ച പാകിസ്ഥാന് എതിരായ ടിട്വന്റി പരമ്പര തുടങ്ങുന്നതിനാൽ ഇംഗ്ലീഷ് താരങ്ങളെല്ലാം നാട്ടിലേക്ക് മടങ്ങുകയാണ്‌‌. കഴിഞ്ഞ ദിവസം ബട്ലർ, റീസ് ടോപ്ലി തുടങ്ങിയവരെല്ലാം ടീമുകളോട് യാത്ര പറഞ്ഞിരുന്നു‌.

ഇന്ന് ഫിൽ സാൾട്ടും താൻ ക്ലബ് വിടുകയാണ് എന്ന് അറിയിച്ചു. ലീഗിൽ ഇപ്പോൾ ഒന്നാം സ്ഥാനത്തുള്ള കൊൽക്കത്തയ്ക്കായി ഈ സീസണിൽ മികച്ച പ്രകടനമായിരുന്നു ഫിൽ സാൾട്ട് കാഴ്ചവച്ചത്. സാൾട്ടും നരൈനും തമ്മിലുള്ള ഓപ്പണിങ് കൂട്ടുകെട്ടാണ് കൊൽക്കത്തക്ക് പല മത്സരങ്ങളിലും അഡ്വാൻറ്റേജ് നൽകിയത്.

ഈ സീസണിൽ 12 മത്സരങ്ങളിൽ നിന്ന് 435 റൺസ് എടുക്കാൻ സാൾട്ടിന് ആയിരുന്നു. 182ഓളം ആയിരുന്നു അദ്ദേഹത്തിൻറെ സ്ട്രൈക്ക് റേറ്റ്. സാൾട്ടിന്റെ അഭാവത്തിൽ റഹ്മാനുള്ള ഗുർബാസ് കെ കെ ആറിന്റെ ഓപ്പണർ ആയി എത്തും എന്നാണ് പ്രതീക്ഷിക്കുന്നത്.