“ഞങ്ങളുടെ ടീമിൽ നിന്ന് ഇന്ന് റാഷിദ് ഖാൻ മാത്രമെ കളിക്കാൻ എത്തിയുള്ളൂ” ഹാർദ്ദിക്

ഇന്ന് മുംബൈ ഇന്ത്യൻസിനോട് ഏറ്റ പരാജയത്തിൽ ടീമിനെ വിമർശിച്ച് ഹാർദ്ദിക് പാണ്ഡ്യ. ഇന്ന് ബാറ്റിങിലും ബൗളീംഗിലും ആകെ റാഷിദ് ഖാൻ മാത്രമാണ് ഞങ്ങൾക്ക് ആയി കളിക്കാൻ എത്തിയത് എന്ന് ഹാർദ്ദിക് പറഞ്ഞു. ഇന്ന് ബൗൾ ചെയ്തപ്പോൾ നാലു വിക്കറ്റ് എടുത്ത റാഷിദ് ഖാൻ ബാറ്റു കൊണ്ട് 79 റൺസും എടുത്തിരുന്നു. പക്ഷെ പരാജയം ഒഴിവാക്കാൻ ഗുജറാത്തിനായില്ല.

ഞങ്ങളുടെ ടീമിൽ നിന്ന് റാഷിദ് മാത്രമെ കളിക്കാൻ എത്തിയുള്ളൂ എന്ന് തോന്നി. അദ്ദേഹം ബാറ്റ് ചെയ്ത രീതിയും ബൗൾ ചെയ്യുന്ന രീതിയും ഗംഭീരമായിരുന്നു. പ്രത്യേകിച്ച് ഈ പിച്ചിൽ ബൗൾ ചെയ്ത രീതി പ്രശംസനീയമാണ്. ഹാർദ്ദിക് പറഞ്ഞു. ഒരു ഗ്രൂപ്പെന്ന നിലയിൽ ഞങ്ങൾ അവിടെ ഉണ്ടായിരുന്നില്ല. ബൗളിംഗിലും ഞങ്ങൾ വളരെ ഫ്ലാറ്റായിരുന്നു. വ്യക്തമായ പദ്ധതികളില്ല, അല്ലെങ്കിൽ ഉള്ള പദ്ധതിൽ നടപ്പിലാക്കിയില്ല. ഹാർദ്ദിക് പറഞ്ഞു.

ഞങ്ങൾ 25 റൺസ് അധികമായി നൽകിയതായി എനിക്ക് തോന്നി. അവസാന 10 ഓവറിൽ 129 റൺസ് ഞങ്ങൾ വഴങ്ങി. അത് ഞങ്ങൾക്ക് കളി നഷ്ടമായി. ഹാർദ്ദിക് പറഞ്ഞു.