മരണ മാസ് സ്റ്റംപിംഗുകളുമായി ധോണി
എംഎസ് ധോണിയുടെ വേഗതയാര്ന്ന സ്റ്റംപിംഗുകളുടെ രണ്ടുദാഹരണമാണിന്ന് ഐപിഎലില് കണ്ടത്. രവീന്ദ്ര ജഡേജയുടെ ഓവറില് മിന്നല് സ്റ്റംപിംഗുകള് ധോണി നടത്തിയത് ഒന്നല്ല രണ്ട് തവണയാണ്. ഓവറിന്റെ നാലാം പന്തില് ക്രിസ് മോറിസിന്റെ കാല്പാദം ഒന്നുയര്ന്നപ്പോള് ധോണി സ്റ്റംപിംഗ് പൂര്ത്തിയാക്കിയപ്പോള് മൂന്നാം അമ്പയറിനു തീരുമാനം എടുക്കുവാന് അധികം കാത്ത് നില്ക്കേണ്ടി വന്നില്ല.
ഒരു പന്തിനു ശേഷം ഡല്ഹിയുടെ ഏക പ്രതീക്ഷയായ ക്യാപ്റ്റന് ശ്രേയസ്സ് അയ്യരെയാണ് സമാനമായ രീതിയില് ധോണി സ്റ്റംപ് ചെയ്ത് പുറത്താക്കിയത്. ലോകത്ത് മറ്റൊരു കീപ്പര്ക്കും ഈ സ്റ്റംപിംഗുകള് പൂര്ത്തിയാക്കാനാകുമോ എന്ന തോന്നിപ്പിക്കുന്ന തരത്തിലായിരുന്നു ധോണിയുടെ വേഗതയാര്ന്ന സ്റ്റംപിംഗുകള്.