“ധോണിയുടെ 110 മീറ്റർ സിക്സ് RCB-ക്ക് ഗുണമായി, പുതിയ പന്ത് കിട്ടി” – കാർത്തിക്

ധോണിയുടെ 110 മീറ്റർ സിക്സ് ആണ് ആർ സി ബിക്ക് ഏറ്റവും സഹായമായത് എന്ന് ആർ സി ബിയുടെ കീപ്പർ ദിനേശ് കാർത്തിക്. ഇന്നലെ അവസാന ഓവറിൽ യാഷ് ദയാൽ പറഞ്ഞ ആദ്യ പന്തിൽ എം എസ് ധോണി ഒരു പടുകൂറ്റൻ സിക്സ് അടിച്ചിരുന്നു. 110 മീറ്റർ ആയിരുന്നു ആ സിക്സ് പോയത്. ഇതോടെ പന്ത് നഷ്ടമാവുകയും പുതിയ പന്ത് എടുക്കേണ്ടി വരികയും ചെയ്തു.

പന്ത് നനഞ്ഞതിനാൽ നേരത്തെ തന്നെ പന്തു മാറ്റാൻ ആർ സി ബി ആവശ്യപ്പെട്ടിരുന്നു എങ്കിലും അമ്പയർ അതിനു തയ്യാറായിരുന്നില്ല. ധോണിയുടെ സിക്സോടെ ആണ് ആർ സി ബിക്ക് നനഞ്ഞ പന്ത് ഒഴിവായി കിട്ടിയത്‌‌. ഇത് യാഷ് ദയാലിന് നല്ല പോലെ പന്തെറിയാൻ സഹായകമായി.

ധോണി അടിച്ച 110 മീറ്റർ സിക്സ് ആണ് ഞങ്ങൾക്ക് അനുകൂലമായി ഇന്നലെ സംഭവിച്ച ഏറ്റവും നല്ല കാര്യം. അത് ഞങ്ങൾക്ക് പുതിയ പന്ത് നൽകി. അത് വലിയ സഹായമായി മാറി. കാർത്തിക് പറഞ്ഞു.