ബ്രിട്ടീഷ് ഗ്രാന്റ് പ്രീയിലും ജയം കണ്ടു റെഡ് ബുള്ളിന്റെ ഡച്ച് ഡ്രൈവർ മാക്‌സ് വെർസ്റ്റാപ്പൻ. സീസണിൽ ഡച്ച് ഡ്രൈവർ നേടുന്ന തുടർച്ചയായ ആറാം റേസ് ജയം ആണ് ഇത്‌. ബ്രിട്ടീഷ് ഗ്രാന്റ് പ്രീയിൽ ജയം ഇല്ല എന്ന പതിവും ഇത്തവണ വെർസ്റ്റാപ്പൻ തിരുത്തി. പോൾ പൊസിഷനിൽ റേസ് തുടങ്ങിയ വെർസ്റ്റാപ്പനു ഇടക്ക് മക്ലാരന്റെ ലാന്റോ നോറിസ് വെല്ലുവിളി ഉയർത്തി എങ്കിലും ഡച്ച് ഡ്രൈവർ പിന്നീട്‌ മുൻതൂക്കം തിരിച്ചു പിടിച്ചു.
നിലവിൽ ലോക ചാമ്പ്യൻഷിപ്പിന് ആയുള്ള പോരാട്ടത്തിൽ ഒരാൾ പോലും വെർസ്റ്റാപ്പനു അടുത്ത് പോലും ഇല്ല. മക്ലാരന്റെ ബ്രിട്ടീഷ് ഡ്രൈവർ ലാന്റോ നോറിസ് രണ്ടാമത് എത്തിയപ്പോൾ മുൻ ലോക ചാമ്പ്യനും ബ്രിട്ടീഷ് ഡ്രൈവറും ആയ മെഴ്‌സിഡസിന്റെ ലൂയിസ് ഹാമിൾട്ടൻ മൂന്നാമത് എത്തി. മക്ലാരന്റെ ഓസ്കാർ പിയാസ്ട്രി നാലാമത് എത്തിയപ്പോൾ മറ്റൊരു ബ്രിട്ടീഷ് ഡ്രൈവർ ആയ മെഴ്‌സിഡസിന്റെ ജോർജ് റസൽ അഞ്ചാം സ്ഥാനത്ത് എത്തി.
