സ്ലാറ്റൻ ഇബ്രാഹിമോവിച്ചിന് പകരക്കാരനായി ബൊലോഗ്ന സ്‌ട്രൈക്കർ മാർക്കോ അർനൗട്ടോവിച്ചിനെ സ്വന്തമാക്കാൻ എ സി മിലാൻ ശ്രമിക്കുന്നു. 42കാരനായ ഇബ്രാഹിമോവിച്ച് ഇന്ന് നടക്കുന്ന മത്സരത്തോടെ ക്ലബ് വിടും എന്ന് മിലാൻ അറിയിച്ചിരുന്നു. ഒരു യുവ സ്‌ട്രൈക്കറെ കൊണ്ടുവരാനും പദ്ധതിയുണ്ടെങ്കിലും ഇപ്പോൾ തൽക്കാലം അർനൗട്ടോവിച്ചിനെ ആണവർ ലക്ഷ്യമിടുന്നത്.
കഴിഞ്ഞ ഏപ്രിലിൽ 34 വയസ്സ് തികഞ്ഞ അർനൗട്ടോവിച്ചിന് ഇപ്പോൾ ബൊലോഗ്നയിൽ 2025 ജൂൺ വരെ കരാറുണ്ട്, ഓസ്ട്രിയ ഇന്റർനാഷണൽ വിൽക്കാൻ 8 മില്യൺ യൂറോയാണ് ബൊലോഗ്ന ആവശ്യപ്പെടുന്നത്. ഈ സീസണിൽ 20 സീരി എ മത്സരങ്ങളിൽ ഒമ്പത് ഗോളുകൾ താരം നേടിയിരുന്നു.
