റോമായിൽ നിന്ന് മാറിയേക്കും എന്ന വാർത്തകൾക്ക് അവസാനം കുറിച്ച് സ്ട്രൈക്കർ എഡിൻ ജെക്കോ ക്ലബ്ബ്മായി കരാർ പുതുക്കി. 3 വർഷത്തെ കരാറാണ് താരം ഒപ്പിട്ടിരിക്കുന്നത്. 33 വയസുകാരനായ താരം 2015 മുതൽ റോമയുടെ കളിക്കാരനാണ്. ഇന്ററിലേക്ക് താരം മാറുമെന്ന് നേരത്തെ വാർത്തകൾ ഉണ്ടായിരുന്നു.
2016-2017 സീസണിൽ സീരി എ യിലെ ടോപ്പ് സ്കോററായിരുന്ന താരം പക്ഷെ കഴിഞ്ഞ സീസണിൽ കേവലം 9 ഗോളുകൾ മാത്രമാണ് നേടിയത്. 2007 മുതൽ ബോസ്നിയയുടെ ദേശീയ ടീമിലും അംഗമാണ് താരം. മുൻപ് ഓക്‌സ്ബർഗ്, മാഞ്ചസ്റ്റർ സിറ്റി ടീമുകൾക്ക് വേണ്ടിയും താരം കളിച്ചിട്ടുണ്ട്. ലിവർപൂൾ ഡിഫൻഡർ ലോവ്രനെ ടീമിൽ എത്തിക്കാനും റോമ ശ്രമം തുടരുന്നുണ്ട്.
