തോമസ് മുള്ളർ അന്താരാഷ്ട്ര ഫുട്ബോളിൽ നിന്ന് വിരമിക്കൽ പ്രഖ്യാപിച്ചു

ജർമ്മൻ ഫുട്ബോളിൻ്റെ ഇതിഹാസം തോമസ് മുള്ളർ അന്താരാഷ്ട്ര മത്സരങ്ങളിൽ നിന്ന് വിരമിക്കൽ പ്രഖ്യാപിച്ചു. 34-കാരനായ ഫോർവേഡ്, ദേശീയ ടീമിനായി 131 മത്സരങ്ങളിൽ ജേഴ്സി അണിഞ്ഞിട്ടുണ്ട്. ഈ സമയത്ത് അദ്ദേഹം 45 ഗോളുകളും 41 അസിസ്റ്റുകളും രാജ്യത്തിനായി നേടി.

2014-ൽ ബ്രസീലിൽ നടന്ന ഫിഫ ലോകകപ്പിൽ ജർമ്മനിയുടെ വിജയത്തിൽ നിർണായക പങ്ക് വഹിച്ചതാണ് മുള്ളറുടെ കരിയറിലെ ഏറ്റവും ഉയർന്ന നേട്ടം. ടൂർണമെൻ്റിലുടനീളം നിർണായക ഗോളുകളും അസിസ്റ്റുകളും താരം സംഭാവന ചെയ്തിരുന്നു.

2024 യൂറോയിൽ ജർമ്മനിയുടെ നിരാശാജനകമായ പ്രകടനത്തെ തുടർന്നാണ് മുള്ളറുടെ വിരമിക്കൽ പ്രഖ്യാപനം. അവിടെ അവർ ക്വാർട്ടർ ഫൈനലിൽ പരാജയപ്പെട്ടിരുന്നു. ഇനി ബയേണൊപ്പം ഒരു സീസൺ കൂടെ കളിച്ച് ഫുട്ബോളിൽ നിന്ന് തന്നെ മുള്ളർ വിരമിക്കും എന്ന് റിപ്പോർട്ടുകൾ ഉണ്ട്.