ഇന്ന് ഹീറോ സൂപ്പർ കപ്പിലെ ആദ്യ സെമി പോരാട്ടമാണ്. ഗ്രൂപ്പ് എ ചാമ്പ്യൻമാരായ ബെംഗളൂരുവും ഗ്രൂപ്പ് സി ചാമ്പ്യൻമാരായ ജംഷഡ്പൂരും തമ്മിലാണ് ഫൈനലിനായി പോരാടുന്നത്. ഇന്ന് കാലിക്കറ്റ് ഇ എം എസ് കോർപ്പറേഷൻ സ്റ്റേഡിയത്തിൽ രാത്രി ഏഴ് മണിക്ക് ആണ് മത്സരം നടക്കുക.
ഗ്രൂപ്പ് സിയിൽ മൂന്ന് മത്സരങ്ങളിലും വിജയം നേടി ഒമ്പത് പോയിന്റ് നേടിയാണ് ജംഷഡ്പൂർ സെമിയിലെത്തിയത്. ഗോവയെ മൂന്നിനെതിരെ അഞ്ചു ഗോളുകൾക്കും എ ടി കെ യെ മൂന്ന് ഗോളുകൾക്കും ഗോകുലത്തിനെ രണ്ടിനെതിരെ മൂന്ന് ഗോളുകൾക്കുമാണ് ജംഷഡ്പൂർ തോൽപ്പിച്ചത്.
ഗ്രൂപ്പ് എ യിൽ നിന്ന് ഒരു ജയവും രണ്ട് സമനിലയുമായാണ് ബെംഗളൂരു സെമി പോരാട്ടത്തിനെത്തുന്നത്. ശ്രീനിധിക്കെതിരെയും കേരള ബ്ലാസ്റ്റേഴ്സ് നെതിരെയും 1-1 സമനിലയും റൗണ്ട് ഗ്ലാസ്സ് പഞ്ചാബിനെതിരെ രണ്ട് ഗോളുകളുടെ വിജയവും അവർ നേടി.
ജംഷഡ്പൂരിൽ താരങ്ങളായ പ്രതിരോധ താരം ഉവൈസും ഗോൾ കീപ്പർ രഹനേഷും ടീമിലുണ്ട്.
