കേരള ബ്ലാസ്റ്റേഴ്സ് അവരുടെ യുവ മധ്യനിര താരം ആയുഷ് അധികാരി ട്രാൻസ്ഫർ ലിസ്റ്റ് ചെയ്തതായി റിപ്പോർട്ടുകൾ. ഈ സീസണിൽ ആയുഷിന് കേരള ബ്ലാസ്റ്റേഴ്സിൽ കാര്യമായ അവസരങ്ങൾ ഒന്നും ലഭിച്ചിരുന്നില്ല. ആകെ ഏഴ് ഐ എസ് എൽ മത്സരങ്ങളിൽ ആണ് ആയുഷ് ഇറങ്ങിയത്. അതും വെറും 132 മിനുട്ടുകൾ മാത്രം. ഇതിനു മുമ്പുള്ള സീസണിൽ ആയുഷ് 17 മത്സരങ്ങൾ ഐ എസ് എല്ലിൽ കളിച്ചിരുന്നു.
ആയുഷ് 2019ൽ ആയിരുന്നു കേരള ബ്ലാസ്റ്റേഴ്സിലെത്തിയത്. 2020ൽ ടീമിനായി സീനിയർ അരങ്ങേറ്റം നടത്തി. അതിനു മുമ്പ് ഒസോണിൽ ആയിരുന്നു. ഇന്ത്യൻ ആരോസിനായും ആയുഷ് കളിച്ചിട്ടുണ്ട്. 22കാരനായ താരത്തിന് ഇനിയും ബ്ലാസ്റ്റേഴ്സിൽ കരാർ ഉണ്ട്. ഐ എസ് എല്ലിലെ ഏതെങ്കിലും ക്ലബ് തന്നെ ആയുഷിനായി രംഗത്ത് വരും എന്നാണ് പ്രതീക്ഷിക്കപ്പെടുന്നത്.
