ട്വൻ്റി20 ലോകകപ്പിലെ ഇന്ത്യയുടെ ഒന്നാം നമ്പർ സ്പിന്നറായി മാറേണ്ടത് കുൽദീപ് യാദവ് ആണെന്ന് അനിൽ കുംബ്ലെ. കുൽദീപ് ഒരു റിസ്റ്റ് സ്പിന്നർ ആയതിനാൽ ബാക്കി സ്പിന്നർമാരെക്കാൾ അദ്ദേഹത്തിന് മേൽക്കൈ ഉണ്ടെന്ന് കുംബ്ലെ പറഞ്ഞു. ടി20 ലോകകപ്പിനുള്ള 15 അംഗ ഇന്ത്യൻ ടീമിൽ നാല് സ്പിന്നർമാർ ഉണ്ട്.
“അയർലൻഡിനെതിരായ ആദ്യ മത്സരത്തിൽ ആരൊക്കെ ടീമിൽ ഉണ്ടാകുമെന്ന് എനിക്കറിയില്ല. എന്നാൽ കുൽദീപ് കളിക്കും എന്ന് ഉറപ്പാണ്. പിച്ചിൻ്റെ അവസ്ഥ എന്താണെന്ന് എനിക്കറിയില്ല. ഫോർട്ട് ലോഡർഡെയ്‌ലിൽ അല്ലാതെ ഒരു ഇന്ത്യൻ ടീമും യുഎസിൽ കളിച്ചിട്ടില്ലെന്ന് ഞാൻ കരുതുന്നു. അതിനാൽ ഇതെല്ലാം പിച്ചിന്റെ സാഹചര്യങ്ങളെ ആശ്രയിച്ചിരിക്കുന്നു,” കുംബ്ലെ പറഞ്ഞു.
‘കുൽദീപ് ഇന്ത്യയുടെ ഒന്നാം നമ്പർ സ്പിന്നർ ആയിരിക്കുമെന്ന് ഞാൻ ഊഹിക്കുന്നു, കാരണം അവൻ നിങ്ങളുടെ റിസ്റ്റ് സ്പിന്നറാണ്. ഒരു റിസ്റ്റ് സ്പിന്നർ ടീമിൽ എന്തായാലും കളിക്കുമെന്ന് എനിക്ക് ഉറപ്പുണ്ട്,” കുംബ്ലെ പറഞ്ഞു.
