Category: Serie A

ഏ എസ് റോമയുടെ ഇതിഹാസതാരം ഫ്രാസിസ്കോ ടോട്ടിയും കുടുംബവും റിയാലിറ്റി ഷോയുമായെത്തുന്നു. ടോട്ടിയും ടിവി അവതാരിക കൂടിയായ ഭാര്യ ഇലറി ബ്ലാസിയും പുതിയൊരു റിയാലിറ്റി ഷോയുമായിട്ടെത്തുമെന്നാണ് ഇറ്റാലിയൻ മാധ്യമങ്ങൾ റിപ്പോർട്ട് ചെയ്യുന്നത്. ടോട്ടിയും കുടുംബവും റിയാലിറ്റി ഷോയ്ക്ക് അപരിചിതരല്ല. ഇലറി ബ്ലാസിയാണ് ബിഗ് ബോസ്സിന്റെ ഇറ്റാലിയൻ വേർഷൻ അവതരിപ്പിക്കുന്നത്.

കഴിഞ്ഞ വർഷം ജെനോവയ്ക്കെതിരെയായിരുന്നു ടോട്ടിയുടെ അവസാന മത്സരം. എ.എസ് റോമയെ ഇറ്റാലിയന്‍ ലീഗില്‍ രണ്ടാംസ്ഥാനക്കാരാക്കിയാണ് 40 വയസുകാരനായ ടോട്ടി ബൂട്ടഴിച്ചത്. 1993 ൽ ഒരു സബ്സ്റ്റിട്യൂട്ടായാണ് ബ്രെസ്സിയക്കെതിരെയുള്ള മത്സരത്തിൽ 16 വയസുകാരനായ ടോട്ടി അരങ്ങേറ്റം കുറിക്കുന്നത്. റോമയ്ക്ക് വേണ്ടി 786 മത്സരങ്ങൾക്ക് ശേഷം ക്ലബ് ഡയറക്ടർ ആയി മാറിയിരിക്കുകയാണ് ഇതിഹാസതാരം. യെല്ലോസ്‌ ആൻഡ് റെഡ്‌സിന് വേണ്ടി 307 ഗോളുകൾ നേടിയിട്ടുണ്ട് 40 കാരനായ ടോട്ടി.

കൂടുതൽ കായിക വാർത്തകൾക്ക് : www.facebook.com/FanportOfficial

അർജന്റീനയുടെ യുവ സ്‌ട്രൈക്കർ ലൗതരോ മാർട്ടിനെസിനെ ടീമിൽ എത്തിച്ച് സിരി എ ടീം ഇന്റർ മിലാൻ. 20കാരനായ ഈ യുവതാരത്തെ ഏകദേശം 23 മില്യൻ യൂറോ തുക മുടക്കിയാണ് അർജന്റീനയിലെ റേസിംഗ് ക്ലബിൽ നിന്നും ഇന്റർ ടീമിലെത്തിച്ചത്. ഇന്ററിൽ പത്താം നമ്പർ ജഴ്‌സിയായിരിക്കും മാർട്ടിനെസ് അണിയുക. ഏകദേശം 111 മില്യൻ യൂറോ ആണ് കരാറിലെ റിലീസ് ക്ലോസ് ആയി വെച്ചിരിക്കുന്നത്.

See more

രണ്ടു കാലുകൊണ്ടും കളിക്കാനാവുന്ന മാർട്ടിനെസ് “The Bull” എന്നാണ് അറിയപ്പെടുന്നത്. 62 മത്സരങ്ങളിൽ നിന്നായി 29 ഗോളുകൾ ആണ് മാർട്ടിനെസ് റേസിംഗ് ക്ലബിന് വേണ്ടി നേടിയിട്ടുള്ളത്.

കൂടുതൽ കായിക വാർത്തകൾക്ക് : www.facebook.com/FanportOfficial

ക്ലബ് വിട്ട താരം ക്വദ്‌വോ അസമോവയോട് നന്ദി പറഞ്ഞ് യുവന്റസ്. നീണ്ട ആറ് സീസണുകൾക്കൊടുവിലാണ് ടൂറിനിൽ നിന്നും സാൻ സൈറോയിലേക്കുള്ള ക്വദ്‌വോ അസമോവയുടെ ചുവട് മാറ്റം.  മൂന്നു വർഷത്തെ കരാറിലാണ് യുവന്റസ് വിട്ട് ഇന്റർ മിലാനിലേക്ക് അസമോവ പോയത്. ആറ് വർഷത്തിൽ ആറ് സീരി എ കിരീടങ്ങളും നാല് കോപ്പ ഇറ്റാലിയയും ക്വദ്‌വോ അസമോവ യുവന്റസിനൊപ്പം സ്വന്തമാക്കിയിട്ടുണ്ട്.

See more

13 🏆's in six immense seasons.

Thank you, @asabob20! 👏 pic.twitter.com/OKNTfc3jft

— JuventusFC 🇬🇧🇺🇸 (@juventusfcen) July 2, 2018

യുവന്റസ് നൽകിയ പുതിയ കരാർ തിരസ്കരിച്ച് ഫ്രീ ട്രാൻസ്ഫെറിലാണ് ക്വദ്‌വോ അസമോവ ഇന്റർ മിലാനിൽ എത്തുന്നത്. ടൂറിനിൽ യുവന്റസിനൊപ്പം ആറ് സീസണുകൾക്കൊടുവിലാണ് അസമോവ ക്ലബ് വിട്ടത്. മികച്ച മധ്യനിരതാരമായ ഈ ഘാനക്കാരനെ സ്വന്തമാക്കാൻ യൂറോപ്പ്യൻ ലാബുകൾ ലക്ഷ്യമിട്ടിരുന്നു. ബിയൻകൊനേരികൾക്കൊപ്പമുള്ള അവസാന കാലങ്ങളിൽ പരിക്ക് അസമോവയെ അലട്ടിയിരുന്നു.

കൂടുതൽ കായിക വാർത്തകൾക്ക് : www.facebook.com/FanportOfficial

നാപോളി ഇറ്റാലിയൻ ചാമ്പ്യന്മാരാകുമെന്നാണ് കരുതിയതെന്ന് ബുഫൺ. തുടർച്ചയായ ഏഴാം കിരീടം യുവന്റസ് ഉയർത്തിയതിന് ശേഷമാണ് ഇറ്റാലിയൻ ഇതിഹാസം നാപോളിയെ കുറിച്ച് മനസ് തുറന്നത്. ഒരു ഘട്ടത്തിൽ യുവന്റസിനെക്കാളിലും സാധ്യതയും സൈക്കളോജിക്കൽ അഡ്വാന്റേജ്മൊക്കെ നാപോളിക്ക് ആയിരുന്നെന്നും ആദ്ദേഹം കൂട്ടിച്ചേർത്തു. കഴിഞ്ഞ സീസണിൽ ഭൂരിഭാഗവും നാപോളി ലീഡുനേടിയിരുന്നെങ്കിലും കലാശപ്പോരാട്ടത്തിനൊടുവിൽ റെക്കോർഡുകൾ കാറ്റിൽ പറത്തി യുവന്റസ് കിരീടം സ്വന്തമാക്കുകയായിരുന്നു.

കിരീടം സ്വന്തമാക്കിയില്ലെങ്കിലും നാപോളിയുടെ നേട്ടങ്ങളിൽ അവർക്ക് അഭിമാനിക്കാമെന്നും ബുഫൺ കൂട്ടിച്ചേർത്തു. നാപോളിയുടെ ഫുട്ബോൾ ശൈലിക്ക് ആരാധകർ ഏറെയുണ്ടെന്നും ഫുട്ബോൾ ലോകത്തെ ഞെട്ടിച്ച നാപോളിക്ക് മികച്ചൊരു സീസൺ ഉണ്ടാവട്ടെ എന്നും ബുഫൺ ആശംസിച്ചു. നീണ്ട 17 വർഷങ്ങൾക്ക് ശേഷം ബുഫൺ യുവന്റസ് വിട്ടിരുന്നു. ഫ്രഞ്ച് ചാമ്പ്യന്മാരായ പിഎസ്ജിയിലേക്ക് ബുഫൺ പോകുമെന്നാണ് പുറത്ത് വരുന്ന റിപ്പോർട്ടുകൾ.

കൂടുതൽ കായിക വാർത്തകൾക്ക് : www.facebook.com/FanportOfficial

പഴയ തട്ടകത്തിലേക്ക് മടങ്ങിയ ഫെഡറിക്കോ ബെർണാദേശിക്ക് ജയത്തോടെ മടങ്ങാനായി. ജൂവന്റസ് താരമെന്ന നിലയിൽ പഴയ ക്ലബ്ബായ ഫിയോരന്റീനായിലേക്ക് മടങ്ങിയ താരം ഗോളോടെ യുവന്റസിന്റെ 0-2 ന്റെ നിർണായക ജയത്തിൽ പങ്കാളിയാവാനും സാധിച്ചു. ജയത്തോടെ യുവന്റസിന് സീരി എ പോയിന്റ് ടേബിളിൽ ഒന്നാം സ്ഥാനത്ത് എത്താനും സാധിച്ചു. പക്ഷെ ഇന്ന് ലാസിയോയെ നേരിടുന്ന നാപോളി ജയിച്ചാൽ അവർക്ക് ഒന്നാം സ്ഥാനത്തേക്ക് മടങ്ങി എത്താനാവും.

യുവെ പരിശീലകൻ അല്ലെഗ്രിയുടെ 200 ആം മത്സരത്തിൽ ബെർണദേശിയുടെ ഗോൾ കൂടാതെ ഹിഗ്വയ്ന്റെ ഗോളാണ് യുവേയുടെ രണ്ട് ഗോൾ ജയം ഉറപ്പിച്ചത്. വിരസമായിരുന്ന ആദ്യ പകുതിയിൽ വിവാദമായ VAR തീരുമാനത്തിന് ഒടുവിൽ ഫിയോരന്റീനക്ക് പെനാൽറ്റി നിഷേധിക്കപ്പെട്ടു. പക്ഷെ രണ്ടാം പകുതി 10 മിനുറ്റ് പിന്നിട്ടപ്പോൾ ബെർണാദേശി ഗോൾ നേടിയതോടെ യുവെ മത്സരത്തിൽ പിടിമുറുക്കി. 86 ആം മിനുട്ടിൽ ഹിഗ്വെയ്നും ഗോൾ നേടി യുവന്റസിന്റെ ജയം ഉറപ്പിക്കുകയായിരുന്നു.

കൂടുതൽ കായിക വാർത്തകൾക്ക് : www.facebook.com/FanportOfficial