Author: noufal

പണം ഏറെ മുടക്കിയിട്ടും ടീമിൽ ഇനിയും കാര്യങ്ങൾ മെച്ചപ്പെടാൻ ഉണ്ടെന്ന് ചെൽസിക്ക് മനസ്സിലായ ദിവസത്തിൽ വെസ്റ്റ് ബ്രോമിന് എതിരെ അവർക്ക് സമനില. ഇരു ടീമുകളും 3 ഗോളുകൾ നേടിയ മത്സരത്തിൽ രണ്ടാം പകുതിയിൽ നടത്തിയ അവിശ്വസനീയ തിരിച്ചു വരവാണ് ലംപാർഡിന് ഒരു പോയിന്റ് സമ്മാനിച്ചത്. ഈ സീസണിൽ പ്രീമിയർ ലീഗിൽ സമനിലയാകുന്ന ആദ്യത്തെ കളിയാണ് ഇത്.

തിയാഗോ സിൽവയെ ക്യാപ്റ്റൻ ആക്കി ഇറക്കിയ ചെൽസിക്ക് ആദ്യ അര മണിക്കൂറിൽ തൊട്ടത് എല്ലാം പിഴകുന്ന കാഴ്ചയാണ് കണ്ടത്. അര മണിക്കൂറിന് ഉള്ളിൽ തന്നെ 3 ഗോളുകളാണ്‌ ചെൽസി വാങ്ങിയത്. കെപ്പ മാറി കാബയേറോ വന്നെങ്കിലും ചെൽസി ഗോൾ വാങ്ങുന്നതിൽ ഒരു കുറവും വന്നില്ല. നാലാം മിനുട്ടിൽ കാലം റോബിൻസനിലൂടെ ചെൽസി വല കുലുക്കിയ വെസ്റ്റ് ബ്രോം പിന്നീട് 25 ആം മിനുട്ടിൽ തിയാഗോ സിൽവ വരുത്തിയ വൻ പിഴവിൽ നിന്ന് വീണ്ടും ഗോൾ വാങ്ങി. ഇത്തവണയും റോബിൻസൻ തന്നെയാണ് ഗോൾ നേടിയത്. ഏറെ വൈകാതെ കോർണറിൽ നിന്ന് ബർട്ലി 27 ആം മിനുട്ടിൽ സ്കോർ 3-0 ആക്കി ഉയർത്തി.

രണ്ടാം പകുതിയിൽ ആലോൻസോ, കോവാച്ചിച് എന്നിവരെ പിൻവലിച്ച ലംപാർഡ് ആസ്പിലിക്വറ്റ, കാലം ഹഡ്സൻ ഓഡോയി എന്നിവറെ ഇറക്കി. ഇത് ഫലം ചെയ്തു. 55 ആം മിനുട്ടിൽ മൗണ്ടിന്റെ കിടിലൻ ഗോളിൽ ഒരു ഗോൾ മടക്കിയ ചെൽസി 70 ആം മിനുട്ടിൽ ഓഡോയിയിലൂടെ സ്കോർ 3-2 ആക്കി അവസാന 20 മിനുട്ട് അവേശമാക്കി. കളി തീരാൻ നിമിഷങ്ങൾ മാത്രം ബാക്കി നിൽക്കെ ടാമി അബ്രഹാം നേടിയ ഗോളിലാണ് ചെൽസി സ്കോർ 3-3 ആക്കി മാറ്റി ഒരു പോയിന്റ് സ്വന്തമാക്കിയത്.

സൗത്താംപ്ടനെ അവരുടെ മൈതാനത്ത് മറികടന്ന ന്യൂകാസിലിന് പ്രീമിയർ ലീഗിൽ ആശ്വാസ ജയം. എതിരില്ലാത്ത ഒരു ഗോളിനാണ് അവർ 3 പോയിന്റ് സ്വന്തമാക്കിയത്. സൗത്താംപ്ടൻ താരം ജെനെപ്പോ ചുവപ്പ് കാർഡ് കണ്ട് പുറത്ത് പോയത് കളിയിൽ നിർണായകമായി.

ആദ്യ പകുതിയുടെ പകുതി സമയം പിന്നിട്ടപ്പോൾ തന്നെ സൗത്താംപ്ടൻ കളിയിൽ പത്ത് പേരായി ചുരുങ്ങി. ഇസാക്ക് ഹൈഡനെ ഫൗൾ ചെയ്ത താരത്തിന് റഫറി ആദ്യം മഞ്ഞ കാർഡ് നൽകിയെങ്കിലും VAR മോണിറ്റർ പരിശോധിച്ച റഫറി അത് ചുവപ്പ് കാർഡ് ആക്കി മാറ്റുകയായിരുന്നു. സൗത്താംപ്ടൻ ഗോളി അലക്‌സ് മാക്കാർത്തിയുടെ കിടിലൻ സേവുകളും മാറ്റ് റിച്ചിയുടെ പെനാൽറ്റി സേവും അവർക്ക് ഒരു പോയിന്റ് എങ്കിലും സമ്മാനിക്കും എന്ന അവസ്ഥയിൽ നിൽക്കെയാണ് കളി തീരാൻ 11 മിനുട്ട് ശേഷിക്കെ ന്യൂകാസിൽ ഗോൾ നേടിയത്. അലക്‌സ് സെയിന്റ് മാക്‌സിം ആണ് 3 പോയിന്റ് ഉറപ്പിച്ച ഗോൾ നേടിയത്. നിലവിൽ ലീഗിൽ 13 ആം സ്ഥാനത്താണ് ന്യൂകാസിൽ. സൈന്റ്‌സ് 14 ആം സ്ഥാനത്തുമാണ്.

ചെൽസിയോട് ഏറ്റ തോൽവിയിൽ നിന്ന് കര കയറാൻ സ്വന്തം മൈതാനത്ത് ഇറങ്ങിയ സ്പർസിന് വീണ്ടും തിരിച്ചടി നൽകി വോൾവ്സ്. 2-3 എന്ന സ്കോറിനാണ് അവർ മൗറീഞ്ഞോയുടെ ടീമിനെ തോൽപ്പിച്ചത്. 2 തവണ പിറകിൽ പോയ ശേഷമായിരുന്നു വോൾവ്സ് മത്സരത്തിൽ ഗംഭീര തിരിച്ചു വരവ് നടത്തിയത്.

ആദ്യ പകുതിയിൽ ജനുവരിയിൽ എത്തിയ ബർഗ്വെയിന്റെ ഗോളിൽ 13 ആം മിനുട്ടിലാണ് സ്പർസ് ലീഡ് നേടിയത്. ടീമിലേക്ക് തിരിച്ചെത്തിയ അലിയാണ് അവസരം ഒരുക്കിയത്. പക്ഷെ 27 ആം മിനുട്ടിൽ ദോഹർത്തിയുടെ ഗോളിൽ നുനോയുടെ ടീം സ്കോർ 1-1 ആക്കി. പക്ഷെ 45 ആം മിനുട്ടിൽ വീണ്ടും അലി ഗോളിന് അവസരം ഒരുക്കി. ഇത്തവണ റൈറ്റ് ബാക്ക് ഒറിയെ ആണ് ഗോൾ നേടിയത്. പക്ഷെ രണ്ടാം പകുതിയിൽ രണ്ട് തവണ സ്പർസ് വല കുലുക്കി വോൾവ്സ് ജയം കൈപിടിയിലാക്കി. 57 ആം മിനുട്ടിൽ ജോട്ടയുടെ ഗോളും, 73 ആം മിനുട്ടിൽ മികച്ച കൗണ്ടർ അറ്റാക്കിന് ഒടുവിൽ പിറന്ന ഹിമനസിന്റെ ഗോളുമാണ് അവർക്ക് ജയം സമ്മാനിച്ചത്.

രണ്ട് തവണ ലീഡ് എടുത്ത ശേഷം കളഞ്ഞു കുളിച്ച വെസ്റ്റ് ഹാം യുണൈറ്റഡിന് ബ്രൈറ്റനോട് സമനില മാത്രം. ഇരു ടീമുകളും 3 ഗോളുകൾ വീതം നേടിയ മത്സരത്തിൽ പ്രതിരോധത്തിൽ വരുത്തിയ പിഴവുകൾ ആണ് മോയസിന്റെ ടീമിന് വിനയായത്. ഇന്നത്തെ സമനിലയോടെ കേവലം 23 പോയിന്റുള്ള വെസ്റ്റ് ഹാം 17 ആം സ്ഥാനത്താണ്. 25 പോയിന്റുള്ള ബ്രൈറ്റൺ 15 ആം സ്ഥാനത്താണ്.

ശക്തമായ തുടക്കം നേടിയ ശേഷമാണ് സ്വന്തം മൈതാനത്ത് വെസ്റ്റ് ഹാം തകർന്നടിഞ്ഞത്. ആദ്യ പകുതിയിൽ 2 ഗോളുകൾക് മുൻപിലായിരുന്നു അവർ. ഇസ്സ ഡിയൊപ്, സ്‌നോട്ഗ്രാസ് എന്നിവരുടെ ഗോളിൽ ആണ് അവർ ലീഡ് എടുത്തത്. പക്ഷെ രണ്ടാം പകുതിയിൽ കാര്യങ്ങൾ മാറി. ഓഗ്ബോണയുടെ സെൽഫ് ഗോളിൽ സ്കോർ 2-1 ആയെങ്കിലും സ്‌നോട്ഗ്രാസ് വീണ്ടും വല കുലുക്കിയതോടെ തങ്ങളുടെ 2 ഗോൾ ലീഡ് പുനഃസ്ഥാപിക്കാൻ അവർക്കായി. പക്ഷെ പിന്നീട് പാസ്‌കൾ ഗ്രോസ്, ഗ്ലെൻ മറി എന്നിവരുടെ ഗോളുകൾ ബ്രൈറ്റണെ മത്സരത്തിലേക്ക് തിരികെ എത്തിക്കുകയായിരുന്നു.

പ്രീമിയർ ലീഗിൽ മറ്റൊരു അപൂർവ്വ റെക്കോർഡ് സ്വന്തമാക്കി സെർജിയോ അഗ്യൂറോ. പ്രീമിയർ ലീഗിൽ ഏറ്റവും കൂടുതൽ ഗോൾ നേടുന്ന ഇംഗ്ലീഷുകാരൻ അല്ലാത്ത കളിക്കാരൻ എന്ന റെക്കോർഡ് ആണ് താരം ഇന്ന് സ്വന്തം പേരിൽ കുറിച്ചത്. ആസ്റ്റണ്‍ വില്ലയ്ക്ക് എതിരെ നേടിയ രണ്ടാം ഗോളോടെയാണ് താരം റെക്കോർഡ് കുറിച്ചത്.

175 ഗോളുകളുമായി തിയറി ഹെൻറിയാണ് ഈ റെക്കോർഡ് ഇത്രകാലം കൈവശം വച്ചത്. ഇതാണ് 176 ആക്കി അഗ്യൂറോ സ്വന്തമാക്കിയത്. നിലവിലെ ഫോമിൽ ഏതാനും വർഷങ്ങൾ കൂടെ കളിക്കാൻ സാധിച്ചാൽ എക്കാലത്തെയും മിക്വച്ച ഗോൾ വേട്ടക്കാരൻ എന്ന അലൻ ശിയററുടെ റെക്കോർഡും താരത്തിന് സ്വന്തമാക്കാൻ സാധിച്ചേക്കും. 260 ഗോളുകൾ ആണ് ശിയറർ ലീഗിൽ നേടിയത്. 2011 ൽ അത്ലറ്റികോ മാഡ്രിഡിൽ നിന്നാണ് താരം മാഞ്ചസ്റ്റർ സിറ്റിയിൽ എത്തിയത്.

സിറ്റിയെ വിറപ്പിച്ച വീര്യവുമായി എത്തിയ വോൾവ്സിനെഎതിരില്ലാത്ത 1 ഗോളിന് മറികടന്ന ലിവർപൂൾ കിരീടത്തിലേക്ക് ഒരു ചുവട് കൂടെ അടുത്തു. സാഡിയോ മാനെ ആദ്യ പകുതിയിൽ നേടിയ ഏക ഗോളാണ് മത്സരത്തിൽ നിർണായകമായത്.

VAR നിർണായകമായ മത്സരത്തിൽ സാഡിയോ മാനെ നേടിയ ലിവർപൂളിന്റെ ഗോൾ ആദ്യം റഫറി ഹാൻഡ് ബോൾ വിധിച്ചെങ്കിലും VAR പക്ഷെ ഗോൾ അനുവദിച്ചു നൽകി. പിന്നീട് ആദ്യ പകുതിയുടെ ഇഞ്ചുറി മിനുട്ടിൽ പെഡ്രോ നെറ്റോ ലിവർപൂൾ വല കുലുക്കിയെങ്കിലും VAR ഓഫ് സൈഡ് വിധിച്ചത് ക്ളോപ്പിന് ആശ്വാസമായി. രണ്ടാം പകുതിയിൽ സൈസ്, ട്രയോറെ, ഹിമനസ് എന്നുവരെ എല്ലാം ഇറക്കി വോൾവ്സ് സമനില ഗോളിനായി ശ്രമിച്ചെങ്കിലും ലിവർപൂൾ പ്രതിരോധം തകർക്കാൻ അവർക്കായില്ല. നിലവിൽ 55 പോയിന്റുള്ള ലിവർപൂൾ രണ്ടാം സ്ഥാനകാരായ ലെസ്റ്ററിനെക്കാൾ 13 പോയിന്റ് മുൻപിലാണ്.

കാർലോ ആഞ്ചലോട്ടിക്ക് കീഴിൽ രണ്ടാം മത്സരത്തിലും എവർട്ടന് ജയം. 2-1 നാണ് അവർ ന്യൂ കാസിൽ യുണൈറ്റഡിനെ മറികടന്നത്. ഇതോടെ ലീഗിൽ പത്താം സ്ഥാനത്ത് എത്താൻ അവർക്കായി. ന്യൂ കാസിൽ പതിനൊന്നാം സ്ഥാനത്താണ് ഉള്ളത്.

കഴിഞ്ഞ മത്സരങ്ങളിൽ മികച്ച ഫോമിൽ കളിച്ച കാൽവർട്ട് ലെവിന്റെ മികച്ച ഫോമാണ് റ്റോഫീസിന് ജയം ഒരുക്കിയത്. കളിയുടെ പതിമൂന്നാം മിനുട്ടിലാണ് ലെവിന്റെ ആദ്യ ഗോൾ പിറന്നത്. 29 ആം മിനുട്ടിൽ കാരോളിലൂടെ ന്യൂ കാസിൽ സമനില പിടിച്ചു എന്ന് ഉറപ്പിച്ചെങ്കിലും VAR ഗോൾ നൽകിയില്ല. പക്ഷെ രണ്ടാം പകുതി തുടങ്ങി പത്ത് മിനിറ്റിനുള്ളിൽ തന്നെ ഷാറിന്റെ ഗോളിൽ ന്യൂ കാസിൽ സമനില പിടിച്ചു. പക്ഷെ 64 ആം മിനുട്ടിൽ ലെവിൻ തന്നെ എവർട്ടന്റെ രണ്ടാം ഗോളും നേടി വിലപ്പെട്ട 3 പോയിന്റ് സ്വന്തമാക്കി.