അർജന്റീനയുടെ യുവ സ്ട്രൈക്കർ ലൗതരോ മാർട്ടിനെസിനെ ടീമിൽ എത്തിച്ച് സിരി എ ടീം ഇന്റർ മിലാൻ. 20കാരനായ ഈ യുവതാരത്തെ ഏകദേശം 23 മില്യൻ യൂറോ തുക മുടക്കിയാണ് അർജന്റീനയിലെ റേസിംഗ് ക്ലബിൽ നിന്നും ഇന്റർ ടീമിലെത്തിച്ചത്. ഇന്ററിൽ പത്താം നമ്പർ ജഴ്സിയായിരിക്കും മാർട്ടിനെസ് അണിയുക. ഏകദേശം 111 മില്യൻ യൂറോ ആണ് കരാറിലെ റിലീസ് ക്ലോസ് ആയി വെച്ചിരിക്കുന്നത്.
രണ്ടു കാലുകൊണ്ടും കളിക്കാനാവുന്ന മാർട്ടിനെസ് “The Bull” എന്നാണ് അറിയപ്പെടുന്നത്. 62 മത്സരങ്ങളിൽ നിന്നായി 29 ഗോളുകൾ ആണ് മാർട്ടിനെസ് റേസിംഗ് ക്ലബിന് വേണ്ടി നേടിയിട്ടുള്ളത്.
കൂടുതൽ കായിക വാർത്തകൾക്ക് : www.facebook.com/FanportOfficial
