ടോട്ടനം ഹോട്‌സ്പർ തങ്ങളുടെ പുതിയ ക്യാപ്റ്റൻ ആയി സോൺ ഹുങ്-മിനിനെ നിയമിച്ചു. ക്യാപ്റ്റൻ ഹൂഗോ ലോറിസ് വൈസ് ക്യാപ്റ്റനും റെക്കോർഡ് ഗോൾ വേട്ടക്കാരനും ആയ ഹാരി കെയിൻ എന്നിവർ ക്ലബ് വിട്ടതിനു പിന്നാലെയാണ് അവർ തീരുമാനം എടുത്തത്. ടോട്ടനം പരിശീലകൻ ആഞ്ച് പൊസ്റ്റെകൊഗ്ഗുവും താരങ്ങളും ചേർന്നാണ് ദക്ഷിണ കൊറിയൻ താരത്തെ ക്യാപ്റ്റൻ ആയി നിയമിച്ചത്.
പ്രീമിയർ ലീഗിൽ ആദ്യമായി 100 ഗോളുകളും 50 അസിസ്റ്റുകളും ഗോൾഡൻ ബൂട്ടും നേടുന്ന ആദ്യ ഏഷ്യൻ താരമായ 31 കാരനായ സോൺ 2015 മുതൽ ടോട്ടനത്തിന്റെ വിശ്വസ്തൻ ആണ്. ക്ലബ് വൈസ് ക്യാപ്റ്റൻ ആയി അർജന്റീനൻ പ്രതിരോധ താരം ക്രിസ്റ്റിയൻ റൊമേറോയെയും ഈ സീസണിൽ ലെസ്റ്ററിൽ നിന്നു ടീമിൽ എത്തിയ ജെയിംസ് മാഡിസണിനെയും നിയമിച്ചു.
