2024/25 സീസണിന് മുന്നോടിയായി സ്‌ട്രൈക്കർ റാസ്മസ് ഹൊയ്ലുണ്ടിന് മാഞ്ചസ്റ്റർ യുണൈറ്റഡ് പുതിയ ജേഴ്സി നമ്പർ നൽകി. താരം ഇനി 9-ാം നമ്പർ ജേഴ്സി ആകും മാഞ്ചസ്റ്റർ യുണൈറ്റഡിൽ അണിയുക. കഴിഞ്ഞ വർഷം യുണൈറ്റഡിലേക്ക് എത്തിയ ഹൊയ്ലുണ്ട് 11-ാം നമ്പർ ജേഴ്സി ആയിരുന്നു ഇതുവരെ അണിഞ്ഞിരുന്നത്.
മാർഷൽ ക്ലബ് വിട്ടതോടെയാണ് ഹൊയ്ലുണ്ടിന് നമ്പർ 9 ഷർട്ട് ലഭിച്ചത്. സർ ബോബി ചാൾട്ടൺ, ആൻഡി കോൾ, ദിമിറ്റർ ബെർബറ്റോവ് തുടങ്ങിയ ഇതിഹാസങ്ങൾ അണിഞ്ഞിട്ടുള്ള ജേഴ്സി ആണ് മാഞ്ചസ്റ്റർ യുണൈറ്റഡിലെ 9ആം നമ്പർ ജേഴ്സി.
ഡെന്മാർക്കിനായി നമ്പർ 9 ജേഴ്സി ആണ് ഹൊയ്ലുണ്ട് അണിഞ്ഞിരുന്നത്. എസ്‌കെ സ്റ്റർം ഗ്രാസിനായും അദ്ദേഹം അതേ നമ്പർ ജേഴ്സി ആണ് ധരിച്ചിരുന്നത്.
