യുവ താരം ബില്ലി ഗിൽമോറുമായുള്ള കരാർ പുതുക്കി ചെൽസി. ഇതോടെ താരത്തിന് 2024 വരെ ചെൽസിയിൽ തുടരാൻ ആവും.
2017ലാണ് സ്‌കോട്ലണ്ടുകാരൻ റേഞ്ചേഴ്‌സിൽ നിന്നും ചെൽസിയിൽ എത്തുന്നത്. അവസാന സീസണിൽ നോർവിച്ചിൽ ലോണടിസ്ഥാനത്തിൽ കളിക്കുകയായിരുന്നു. ചെൽസിക്ക് വേണ്ടി 22 മത്സരങ്ങളിൽ ബൂട്ടു കെട്ടി. നോർവിച്ച് കുപ്പായത്തിൽ 28 മത്സരങ്ങളിലും ഇറങ്ങി. ഫ്രാങ്ക് ലാംപാർഡിന്റെ ചെൽസി ടീമിൽ ഇടം കണ്ടെത്തിയിരുന്നെങ്കിലും ടൂഷൽ എത്തിയതോടെ ടീമിൽ അവസരങ്ങൾ കുറഞ്ഞിരുന്നു. ഇതോടെ താരത്തെ ലോണിൽ വിടാൻ ടീം തീരുമാനിക്കുകയായിരുന്നു.
നിലവിൽ നാഷൻസ് ലീഗ് കളിക്കുന്ന സ്‌കോട്ലണ്ട് ടീമിന്റെ ഭാഗമാണ്. ദേശിയ ടീമിന് വേണ്ടി 14 മത്സരങ്ങളും കളിച്ചിട്ടുണ്ട്.
