ഇന്നലെ മാഞ്ചസ്റ്റർ യുണൈറ്റഡിനോട് എമിറേറ്റ്സിൽ നടന്ന എഫ്എ കപ്പ് നാലാം റൌണ്ട് മത്സരത്തിൽ ആഴ്‌സണൽ പരാജയം ഏറ്റുവാങ്ങിയിരുന്നു. സാഞ്ചസ്, ലിംഗാർഡ്, മാർഷ്യൽ എന്നിവർ നേടിയ ഗോളിൽ മൂന്നു ഗോളുകൾക്കെതിരെ ഒരു ഗോളിനാണ് ആഴ്‌സണൽ പരാജയപ്പെട്ടത്.
ഇന്നലത്തെ പരാജയത്തോട് കൂടെ ഒരു നാണക്കേടും ആഴ്‌സണൽ സ്വന്തമാക്കി. 2006ൽ എമിറേറ്റ്സ് തുറന്നതിനു ശേഷം ആറു തവണയാണ് ആഴ്‌സണൽ യുണൈറ്റഡിനോട് പരാജയപ്പെട്ടത്. മറ്റൊരു ടീമിനോടും ആഴ്‌സണൽ എമിറേറ്റ്സിൽ ഇത്രയധികം തവണ തോൽവി അറിഞ്ഞിട്ടില്ല. കഴിഞ്ഞ സീസണിൽ എമിറേറ്റ്സിൽ നടന്ന പ്രീമിയർ ലീഗ് മത്സരത്തിലും ആഴ്‌സണൽ ഇതേ സ്കോറിന് യുനൈറ്റഡിനോട് പരാജയപ്പെട്ടിരുന്നു.
