ഇംഗ്ലീഷ് പ്രീമിയർ ലീഗിൽ ജയിക്കാൻ ഇറങ്ങിയ ആഴ്സണലിന് നിരാശ. ലീഗിൽ ഏറെ പിന്നിലുള്ള ബേൺലിയോട് അവർക്ക് കേവലം സമനില മാത്രമാണ് നേടാനായത്. സുവർണ്ണാവസരങ്ങൾ കളഞ്ഞു കുളിച്ചതാണ് ആർടേറ്റയുടെ ടീമിന് വിനയായത്. ഇതോടെ ടോപ്പ് 4 ലേക്ക് കടക്കാനുള്ള അവസരമാണ് ഗണ്ണേഴ്‌സ് തുലച്ചത്.
ആദ്യ പകുതിയിൽ ലഭിച്ച 2 മികച്ച അവസരങ്ങൾ ആഴ്സണലിന് മുതലക്കാനായില്ല. എതിർ ടീം ഗോളിയുടെ മികച്ച സേവുകൾ അവരെ തടയുകയായിരുന്നു. പിന്നീട് രണ്ടാം പകുതിയിൽ എമിൽ സ്മിത്ത് റോവ് നൽകിയ മികച്ച അവസരം ക്യാപ്റ്റൻ ലകസറ്റ് തുലച്ചത് അവിശ്വാസനീയമായിരുന്നു. പോസ്റ്റിൽ ബേൺലി ഗോളി പോലും ഇല്ലാതെയിരിക്കെയാണ് ക്യാപ്റ്റൻ തന്റെ ഷോട്ട് പോസ്റ്റിന് ഏറെ വെളിയിലേക്ക് പായിച്ചത്. നിലവിൽ 36 പോയിന്റുമായി ആറാം സ്ഥാനത്താണ് ആഴ്സണൽ.
