പോർച്ചുഗീസ് മിഡ്ഫീൽഡർ ജോവോ റോഡ്രിഗസിനെ ടീമിലെത്തിച്ചു ഗോകുലം കേരള എഫ്സി
കോഴിക്കോട്, കേരളം | ഓഗസ്റ്റ് 19, 2026: വരാനിരിക്കുന്ന സീസണിന് മുന്നോടിയായി ടീമിനെ കൂടുതൽ ശക്തിപ്പെടുത്തുന്നതിന്റെ ഭാഗമായി പോർച്ചുഗീസ് മിഡ്ഫീൽഡർ ജോവോ റോഡ്രിഗസിനെ ഗോകുലം കേരള എഫ്സി ടീമിലെത്തിച്ചു. കംബോഡിയൻ ക്ലബ്ബായ ISI Dangkor Senchey FC യിൽ നിന്നാണ് താരം മലബാറിയൻസിന്റെ ഭാഗമാകുന്നത്.
പോർച്ചുഗലിലെ പ്രമുഖ ക്ലബ്ബുകളുടെ യൂത്ത് അക്കാദമികളിലൂടെ വളർന്നുവന്ന റോഡ്രിഗസ് അന്താരാഷ്ട്ര ഫുട്ബോൾ പരിചയവും ടീമിലേക്ക് കൊണ്ടുവരുന്നു. യൂറോപ്പിലും ഏഷ്യയിലുമായി വിവിധ ഫുട്ബോൾ സാഹചര്യങ്ങളിൽ കളിച്ച അനുഭവവും താരത്തിനുണ്ട്.
SL Benfica Formação (പോർച്ചുഗൽ), GD Estoril Praia (പോർച്ചുഗൽ), Sporting CP Formação (പോർച്ചുഗൽ) എന്നീ ക്ലബ്ബുകളുടെ യൂത്ത് ടീമുകളിലൂടെയാണ് റോഡ്രിഗസ് തന്റെ ഫുട്ബോൾ യാത്ര ആരംഭിച്ചത്.
തുടർന്ന് സീനിയർ ഫുട്ബോളിലേക്ക് എത്തിയ താരം B SAD (പോർച്ചുഗൽ), SU 1º Dezembro (പോർച്ചുഗൽ) എന്നീ ക്ലബ്ബുകൾക്കായി കളിച്ചു. പിന്നീട് PO Xylotymbou (സൈപ്രസ്), 1.SC Znojmo FK (ചെക്ക് റിപ്പബ്ലിക്) എന്നീ ക്ലബ്ബുകൾക്കായി കളിച്ച് അന്താരാഷ്ട്ര പരിചയം നേടി.
ഏറ്റവും ഒടുവിൽ ISI Dangkor Senchey FC (കംബോഡിയ)ക്കായി കളിച്ച റോഡ്രിഗസ്, ഇപ്പോൾ ഇന്ത്യയിലേക്ക് എത്തി ഗോകുലം കേരള എഫ്സിയുടെ ഭാഗമായിരിക്കുകയാണ്.
ജോവോ റോഡ്രിഗസ് പറഞ്ഞു:
“ഗോകുലം കേരള എഫ്സിയിൽ ചേർന്ന് ഇന്ത്യയിൽ പുതിയൊരു അധ്യായത്തിന് തുടക്കം കുറിക്കുന്നതിൽ ഞാൻ വളരെ സന്തോഷവാനാണ്. ക്ലബ്ബിന് ശക്തമായ ഒരു ആരാധകകൂട്ടമുണ്ടെന്ന് എനിക്ക് അറിയാം. ഈ ടീമിന്റെ ഭാഗമാകാൻ കഴിയുന്നതിൽ ഞാൻ ഏറെ ആവേശത്തിലാണ്. എന്റെ ഊർജം ടീമിനായി നൽകാനും ഈ സീസണിലെ ക്ലബ്ബിന്റെ ലക്ഷ്യങ്ങൾ കൈവരിക്കാൻ സഹായിക്കാനുമാണ് ഞാൻ ആഗ്രഹിക്കുന്നത്.”
ഗോകുലം കേരള എഫ്സി ഹെഡ് കോച്ച് കാർലോസ് എഡ്വാർഡോ പരേര റോഡ്രിഗസിനെ ടീമിലേക്ക് സ്വാഗതം ചെയ്യുകയും താരത്തിന് ടീമിലേക്ക് നൽകാൻ കഴിയുന്ന സംഭാവനകളെക്കുറിച്ച് സംസാരിക്കുകയും ചെയ്തു.
“ജോവോ യുവത്വത്തിന്റെ ഊർജവും സാങ്കേതിക മികവുമുള്ള താരമാണ്. വ്യത്യസ്ത ഫുട്ബോൾ സാഹചര്യങ്ങളിൽ കളിച്ച അദ്ദേഹത്തിന്റെ അനുഭവം ഞങ്ങളുടെ ടീമിന് വിലപ്പെട്ടതായിരിക്കും. എന്റെ ശൈലിയുമായി അദ്ദേഹം നന്നായി പൊരുത്തപ്പെടുമെന്ന് ഞങ്ങൾ വിശ്വസിക്കുന്നു.”