128 മത്തെ മിനിറ്റിൽ ഗാരത് ബെയിലിന്റെ സമനില ഗോൾ!പെനാൽട്ടിയിൽ എം.എൽ.എസ് കിരീടം നേടി ലോസ് ആഞ്ചലസ് എഫ്.സി

മേജർ ലീഗ് സോക്കർ കിരീടം നേടി ലോസ് ആഞ്ചൽസ് ഫുട്‌ബോൾ ക്ലബ്. ഫിലാഡൽഫിയയെ പെനാൽട്ടി ഷൂട്ട് ഔട്ടിൽ തോൽപ്പിച്ചു ആണ് അവർ എം.എൽ.എസ് കപ്പ് ഉയർത്തിയത്. ചരിത്രത്തിൽ ആദ്യമായി ആണ് അവർ കിരീടം നേടുന്നത്, ഇതോടെ മേജർ ലീഗ് സോക്കർ കിരീടം നേടുന്ന 15 മത്തെ ക്ലബ് ആണ് എൽ.എ.എഫ്.സി മാറി. ആവേശകരമായ മത്സരത്തിൽ 90 മിനിറ്റുകൾക്ക് ശേഷം ഇരു ടീമുകളും 2 ഗോൾ വീതം നേടി സമനിലയിൽ പിരിഞ്ഞു. ലോസ് ആഞ്ചൽസിന് ആയി അക്കോസ്റ്റ, മുറില്ലോ എന്നിവർ ഗോൾ നേടിയപ്പോൾ ഗസ്ദാഗ്, എലിയറ്റ് എന്നിവരിലൂടെ ഫിലാഡൽഫിയ മറുപടി നൽകി.

എം.എൽ.എസ്

ആവേശകരമായ അധിക സമയത്ത് 116 മത്തെ മിനിറ്റിൽ ഗോൾ കീപ്പർ മാക്‌സിം ക്രേപൗക്ക് ചുവപ്പ് കാർഡ് കണ്ടതോടെ ലോസ് ആഞ്ചലസ് 10 പേരായി ചുരുങ്ങി. ഫൗളിന് എതിരെ പരിക്കും പറ്റി താരത്തിന്, തുടർന്ന് 10 മിനിറ്റിൽ അധികം അധിക സമയം ആണ് റഫറി നൽകിയത്. തുടർന്ന് 124 മത്തെ മിനിറ്റിൽ എലിയറ്റിലൂടെ ഫിലാഡൽഫിയ വിജയം പിടിച്ചു എന്നു തോന്നിയത് ആണ് എന്നാൽ നാലു മിനിറ്റിനകം അവസാന നിമിഷം ഗാരത് ബെയിൽ അമേരിക്കയിലെ തന്റെ ആദ്യ സീസണിൽ തന്റെ ടീമിന് വിലപ്പെട്ട സമനില സമ്മാനിച്ചു. തുടർന്ന് മത്സരം പെനാൽട്ടി ഷൂട്ട് ഔട്ടിലേക്ക് നീണ്ടു. പകരക്കാരനായി ലോസ് ആഞ്ചലസിന് ആയി ഇറങ്ങിയ ബാക് അപ്പ് ഗോൾ കീപ്പർ ജോൺ മകാർത്തി തന്റെ ചെറുപ്പത്തിലെ ക്ലബിന് എതിരെ രണ്ടു രക്ഷപ്പെടുത്തലുകളും ആയി ഹീറോ ആയപ്പോൾ ലോസ് ആഞ്ചലസ് അവരുടെ ചരിത്രത്തിലെ ആദ്യ മേജർ ലീഗ് സോക്കർ കിരീടം ഉയർത്തി.