റയൽ മാഡ്രിഡ് താരം ബെയ്ല് താൻ റയൽ മാഡ്രിഡ് വിട്ട് ഭാവിയിൽ അമേരിക്കൻ ലീഗായ മേജർ ലീഗ് സോക്കറിലേക്ക് പോകും എന്ന് സൂചന നൽകി. തനിക്ക് ഏറെ ഇഷ്ടമുളല സ്ഥലമാണ് അമേരിക്ക. അവിടുത്തെ ഫുട്ബോൾ ലീഗ് അവസാന വർഷങ്ങളിൽ വലിയ രീതിയിൽ തന്നെ മെച്ചപ്പെട്ടിട്ടുണ്ട്. പ്രീസീസണിൽ അമേരിക്കൻ ക്ലബുകളെ നേരിടുമ്പോൾ അവരുടെ മികവ് മനസ്സിലാകുന്നുണ്ട് എന്നും ബെയ്ല് പറഞ്ഞു.
ഇപ്പോൾ അമേരിക്കയിലേക്ക് പോകുന്ന യൂറോപ്യൻ ഫുട്ബോൾ താരങ്ങളുടെ എണ്ണം വളരെ കൂടുതലാണ്. തീർച്ചയായും തനിക്കും അമേരിക്കയിൽ കളിക്കണം എന്ന് ആഗ്രഹമുണ്ട്. ബെയ്ല് പറഞ്ഞു. താൻ അവധിക്കാലം അമേരിക്കയിലെ ലോസ് ആഞ്ചെലെസിലാണ് ചിലവഴിക്കാറ് എന്നും ബെയ്ല് പറഞ്ഞു.
