റയൽ മാഡ്രിഡ് മധ്യനിര താരം ടോണി ക്രൂസ് ഈ സീസൺ അവസാനത്തോടെ വിരമിക്കാൻ സാധ്യത ഉണ്ടെന്നുള്ള അഭ്യൂഹങ്ങൾക്ക് അവസാനം. ക്രൂസ് റയൽ മാഡ്രിഡിൽ പുതിയ കരാർ ഒപ്പുവെച്ചതായി ഫബ്രിസിയോ റൊമാനോ റിപ്പോർട്ട് ചെയ്യുന്നു. ഈ സീസൺ അവസാനത്തോടെ റയൽ മാഡ്രിഡിലെ കരാർ അവസാനിക്കാൻ ഇരിക്കെയാണ് ക്രൂസ് കരാർ ഒപ്പുവെക്കുന്നത്‌. 2025 ജൂൺ വരെയാകും ക്രൂസിന്റെ കരാർ.
റയൽ മാഡ്രിഡ് തന്റെ അവസാന ക്ലബ് ആയിരിക്കും എന്ന് നേരത്തെ ക്രൂസ് പറഞ്ഞിരുന്നു. ഈ സീസണിൽ മികച്ച പ്രകടനം നടത്തുന്ന ക്രൂസ് അന്താരാഷ്ട്ര ഫുട്ബോളിലേക്കും തിരികെ എത്തിയിരുന്നു. ഈ ആഴ്ച ജർമ്മനിക്ക് ആയി രണ്ട് മത്സരങ്ങൾ കളിച്ച ക്രൂസ് രണ്ട് അസിസ്റ്റും നൽകി.
2014ൽ ആയിരുന്നു ക്രൂസ് റയൽ മാഡ്രിഡിൽ എത്തിയത്. റയലിനൊപ്പം നിരവധി കിരീടങ്ങൾ താരം നേടി. നാലു ചാമ്പ്യൻസ് ലീഗ് കിരീടങ്ങളും മൂന്ന് ലാലിഗ കിരീടവും ഉൾപ്പെടെ 20 കിരീടങ്ങൾ താരം റയൽ മാഡ്രിഡിൽ ഇതുവരെ സ്വന്തമാക്കിയിട്ടുണ്ട്.
