എസ്റ്റാഡിയോ മുനിസിപ്പൽ ഡി ബ്യൂട്ടാർക്കിൽ ലെഗാനെസിനെ 3-0ന് പരാജയപ്പെടുത്തി റയൽ മാഡ്രിഡ്. ലാ ലിഗ പോയിന്റ് ടേബിളിൽ ബാഴ്‌സലോണയുടെ അടുത്ത് എത്തിയിരിക്കുകയാണ് റയൽ. ഈ ജയത്തോടെ ബാഴ്സലോണക്ക് 4 പോയിന്റ് മാത്രം പിറകിലാണ് റയൽ. റയൽ ആകട്ടെ ഒരു മത്സരം കുറവാണ് കളിച്ചതും.
43-ാം മിനിറ്റിൽ വിനീഷ്യസ് ജൂനിയർ നൽകിയ ക്രോസ് ലക്ഷ്യത്തിൽ എത്തിച്ച് കൈലിയൻ എംബാപ്പെയാണ് സ്കോറിംഗ് ആരംഭിച്ചത്. 66-ാം മിനിറ്റിൽ ബോക്‌സിന് പുറത്ത് നിന്നുള്ള പവർ ഷോട്ടിലൂടെ ഫെഡറിക്കോ വാൽവെർഡെ ലീഡ് ഇരട്ടിയാക്കി. ജൂഡ് ബെല്ലിംഗ്ഹാം കൂടെ വല കണ്ടെത്തിയതോടെ വിജയം റയൽ പൂർത്തിയാക്കി.
