കേരള പ്രീമിയർ ലീഗിൽ അവസാന രണ്ട് സീസണുകളിൽ മികച്ച പ്രകടനം കാഴ്ച വെച്ചിട്ടുള്ള ടീമാണ് എഫ് സി തൃശ്ശൂർ. അവർ ഈ വർഷത്തെ കേരള പ്രീമിയർ ലീഗിലും മികച്ച തുടക്കം തന്നെ സ്വന്തമാക്കി. ഇന്ന് ലീഗിലെ തങ്ങളുടെ ആദ്യ മത്സരത്തിൽ സാറ്റ് തിരൂരിനെ നേരിട്ട എഫ് സി തൃശ്ശൂർ ഒന്നിനെതിരെ രണ്ടു ഗോളുകൾക്കാണ് വിജയിച്ചത്. ജിബിൻ ദേവസ്സിയുടെ ഇരട്ട ഗോളുകളാണ് എഫ് സി തൃശ്ശൂരിനെ വിജയിപ്പിച്ചത്.
40, 49 മിനുട്ടുകളിൽ ആയിരുന്നു ദേവസ്സിയുടെ ഗോളുകൾ. ജിബിന്റെ ഒരു ഗോൾ ഫ്രീകിക്കിൽ നിന്നും ആയുരുന്നു. ഫസലു റഹ്മാൻ ആണ് സാറ്റിനു വേണ്ടി ഗോൾ നേടിയത്. സാറ്റ് തിരൂരിന്റെ ലീഗിലെ ആദ്യ തോൽവി ആണിത്. മൂന്ന് മത്സരങ്ങളിൽ നിന്ന് നാലു പോയന്റാണ് സാറ്റിന് ഇപ്പോൾ ഉള്ളത്.
