ഗോകുലത്തിനോടാണോ കളി!! കേരള പ്രീമിയർ ലീഗിൽ തുടർച്ചയായ അഞ്ചാം ജയം

Newsroom

Download the Fanport app now!
Appstore Badge
Google Play Badge 1

കേരള പ്രീമിയർ ലീഗിൽ ഗോകുലം കേരള എഫ് സിക്ക് മറ്റൊരു ഗംഭീര വിജയം. എതിരാളികൾ ഇല്ലാതെ വിജയ കുതിപ്പുനായി മുന്നേറുകയാണ് നിലവിലെ കെ പി എൽ ചാമ്പ്യന്മാർ. ഇന്ന് കൊച്ചി അംബേദ്കർ സ്റ്റേഡിയത്തിൽ നടന്ന മത്സരത്തിൽ ഗോൾഡൻ ത്രഡ്സിനെ ആണ് ഗോകുലം തോൽപ്പിച്ചത്. ഒന്നിനെതിരെ മൂന്നു ഗോളുകൾക്കായിരുന്നു ഗോകുലത്തിന്റെ വിജയം. ആദ്യ പകുതിയിൽ തന്നെ ഗോകുലം കേരള എഫ് സി എതിരില്ലാത്ത രണ്ടു ഗോളുകൾക്ക് മുന്നിൽ എത്തിയിരുന്നു.

ചാർലേസ് ഫോളിയും, ഗണേഷനും ആണ് ആദ്യ പകുതിയിൽ ഗോകുലത്തിനായി ഗോൾ നേടിയത്. രണ്ടാം പകുതിയുടെ തുടക്കത്തിൽ ഒരു സെൽഫ് ഗോളിലൂടെ മൂന്നാം ഗോകുലം ഗോളും പിറന്നു. കളിയുടെ അവസാന നിമിഷം പിറന്ന മറ്റൊരു സെൽഫ് ഗോൾ ഗോൾഡൻ ത്രഡ്സിന്റെ ആശ്വാസ ഗോളായും മാറി.

അഞ്ചിൽ അഞ്ചു ജയത്തോടെ 15 പോയന്റുമായി ഗോകുലം കേരള എഫ് സി ഗ്രൂപ്പ് ബിയിൽ ഒന്നാമത് നിൽക്കുകയാണ്. ഗോൾഡൻ ത്രഡ്സിന് ഇത് ലീഗിലെ നാലാം പരാജയവുമാണ്.