ബ്രൈസ് മിറാൻഡ കേരള ബ്ലാസ്റ്റേഴ്സ് വിട്ടു

വിംഗർ ബ്രൈസ് മിറാൻഡ ക്ലബ്ബ് വിട്ടതായി കേരള ബ്ലാസ്റ്റേഴ്സ് എഫ്സി ഔദ്യോഗികമായി പ്രഖ്യാപിച്ചു. ക്ലബ്ബിനായി നൽകിയ സമർപ്പണത്തിനും സംഭാവനകൾക്കും നന്ദി അറിയിച്ച കേരള ബ്ലാസ്റ്റേഴ്സ്, അദ്ദേഹത്തിന് ഭാവിയിൽ എല്ലാ വിജയങ്ങളും ആശംസിച്ചു.

2022-ൽ ചർച്ചിൽ ബ്രദേഴ്സിൽ നിന്നാണ് 25-കാരനായ മിറാൻഡ ബ്ലാസ്റ്റേഴ്സിൽ ചേരുന്നത്. കഴിഞ്ഞ സീസണിൽ ഇൻ്റർ കാശിക്ക് വേണ്ടി ലോൺ അടിസ്ഥാനത്തിൽ കളിച്ച മിറാൻഡ, ഐ-ലീഗ് കിരീടം നേടിയിരുന്നു. അദ്ദേഹത്തിൻ്റെ അടുത്ത ലക്ഷ്യം ഡയമണ്ട് ഹാർബർ എഫ്സി ആണെന്നാണ് സൂചന. മിറാൻഡക്ക് ബ്ലാസ്റ്റേഴ്സിൽ അധികം അവസരങ്ങൾ ലഭിച്ചിരുന്നില്ല.