ജൂനിയർ ഫുട്ബോൾ ലീഗ് നാളെ മുതൽ, കേരള ബ്ലാസ്റ്റേഴ്സ് ആദ്യ ദിവസം ഇറങ്ങും

Newsroom

Download the Fanport app now!
Appstore Badge
Google Play Badge 1

ജൂനിയർ ലീഗിന്റെ കേരളത്തിലെ മത്സരങ്ങൾ നാളെ മുതൽ ആരംഭിക്കും. റെസ്റ്റ് ഓഫ് ഇന്ത്യ ഗ്രൂപ്പ് ഡിയിലെ മത്സരങ്ങൾക്ക് ആണ് തുടക്കമാവുക. അഞ്ചു ടീമുകളാണ് ഗ്രൂപ്പിൽ ഉള്ളത്. കേരള ബ്ലാസ്റ്റേഴ്സ്, ഡോൺ ബോസ്കോ, സ്കോർ ലൈൻ, ടോസ് അക്കാദമി, കൊൽഹാപൂർ സിറ്റി‌. ഈ ടീമുകളുടെ മത്സരങ്ങൾ പനമ്പിള്ളി ഗ്രൗണ്ടിലാകും നടക്കുക. നാളെ ആദ്യ മത്സരത്തിൽ കേരള ബ്ലാസ്റ്റേഴ്സ് ഡോൺ ബോസ്കോയെ നേരിടും.

കേരളത്തിൽ രണ്ട് ഗ്രൂപ്പുകളിലായാണ് മത്സരം നടക്കുന്നത്. ഗ്രൂപ്പ് ഇയിലും അഞ്ച് ടീമുകൾ മാറ്റുരയ്ക്കുന്നുണ്ട്. ഗ്രൂപ്പ് ഇ മത്സരങ്ങൾ ഏപ്രിൽ 25 മുതൽ ആണ് ആരംഭിക്കുന്നത്. തൃശ്ശൂർ കോർപ്പറേഷൻ സ്റ്റേഡിയത്തിലാകും ആ ഗ്രൂപ്പിലെ മത്സരങ്ങൾ. എഫ് സി കേരള, ഗോകുലം കേരള എഫ് സി, എം എസ് പി, ഗുരുവായൂർ സ്പോർട്സ് അക്കാദമി, പറപ്പൂർ എഫ് സി എന്നിവരാണ് ഗ്രൂപ്പ് ഇയിൽ ഉള്ളത്.